Remulla vs. Maliksi at Revilla vs. Lacson sa kampanyaserye

MANILA, Philippines - Banggaan ng dating magkaibigan, kampihan ng partido at angkan, pati lagay ng puso ng tumatakbong kandidato ay walang kawala sa usapan.

Ganyan mailala­ra­wan ang lagay ng pulitika ngayon sa Cavite na hihimayin ni Lynda Jumilla simula ngayong Lunes (March 11) sa TV Patrol sa panibagong Kam­panyaSerye na ta­­ta­lakay sa tapatang John­vic Remulla at Ayong Maliksi para sa pagka-gobernador at la­­­­banang Jolo Revilla at Jay Lacson para naman sa pagka-bise go­bernador.

Parang kailan lang nang masayang nagka­kasama si Johnvic at Ayong dahil matalik na magkaibigan sina Ayong at ama ni Johnvic na si Johnny. Dahil sa pulitika kung kaya’t ang dating magkaibigan ngayon ay magkalaban na.

Ano nga ba ang kahihinatnan ng banggaan sa pulitika sa Cavite?

Ang Kampanya­Ser­ye ay bahagi ng ABS-CBN Halalan 2013 na naglalayong ma­­palawak ang kaalaman ng mga mamama­yan bago bumoto. Isang serye ang bubuksan linggu-linggo sa TV Patrol kung saan bibigyang diin ang kuwento sa li­kod ng mga pangako at talumpati ng mga pulitikong nanliligaw sa boto ng sambayanan.

Huwag palalampasin ang KampanyaSerye sa ulat ni Lynda Jumilla, simula ngayong Lunes sa TV Patrol na may simulcast sa DZMM TeleRadyo at DZMM Rad­yo Patrol 630. Pa­noorin ang buong episode nito sa espesyal na Producer’s Cut na ma­papanood sa ANC tu­wing Sabado, 2:30 p.m. at tuwing Linggo, 11:00 a.m.