Dingdong ipinagtanggol si Marian

Kinuwestiyon ang pagkapanalo ni Marian Rivera sa katatapos na 2012 Golden Screen TV Awards ng Entertainment Press Society o Enpress kung saan nagwagi ang aktres ng Outstanding Performance by An Actress in a Drama Series award para sa Amaya ng GMA 7.

To the rescue naman ang boyfriend niyang si Dingdong Dantes at sinabing kanya-kanya namang opinyon ’yun at iginagalang niya ang kinalabasan ng botohan ng EnPress para sa best actress category.

Naniniwala naman ang aktor na deserving si Ma­rian sa naturang award at naging reyalistiko ang portrayal nito bilang si Amaya.

Star Magic circle 2013 puro may k

Ipinakilala na sa media ang mga bagong mukha ng Star Magic Circle 2013 kung saan lahat ay puro may K — magaganda at puno ng talento. Ito’y kinabi­bilangan nina Alex Diaz, Ingrid dela Paz, Jerome Ponce, Jane Oineza, Jon Lucas, Janella Salvador, Julian Estrada, Julia Barretto, Khalil Ramos, Liza Soberano, Kit Thompson, at Michelle Vito.

Karamihan sa kanila ay nakalabas na sa mga teleserye ng Dos at ang iba naman ay sa pelikula. Pero gusto pa rin nilang mag-undergo ng acting workshops para lalo pang mahasa sa pag-arte.

Ilulunsad ang Star Magic Circle 2013 sa March 12 sa ASAP 18. Ngayon pa lang ay may hukbo na ng mga tagahanga ang mga nasabing kabataan.

Julian nakumbinsi si Sen. Jinggoy na mag-showbiz

Na-convince ni Julian Estrada ang amang si Sen. Jinggoy Estrada na pumasok sa showbiz basta’t hindi niya pababayaan ang pag-aaral at papasa sa lahat ng subjects. Nakalabas na siya noon sa Katas ng Saudi. Second year high school na ang bagets sa OB Montessori.

Noon ay mahiyain pa si Julian pero na-improve ang PR skills nang mag-artista na. Isang challenge sa kanya na lumabas sa karakter ng bad boy at makasama sina John Lloyd Cruz at Anne Curtis sa telebisyon at pelikula balang araw.

Juancho bagong pantasya ng bayan

Guwapo at malakas ang dating ni Juancho Trivino na lumalabas sa karak­ter na Lucho sa Teen Gen kung saan solong anak siya ni Bobby Andrews. Pareho silang charming ng dad niya sa serye pero hindi nagkakatulad pagda­ting sa matters of the heart.

Nakakatuwa ang sitwasyon nila ni Dianne Bernadette Hernandez na gumaganap na Lyka sa Teen Gen dahil galit-bati ang drama nila sa buhay.