Yoga na!

Mao Na Ni All Over  The World mga Sweet Kabutanding! Karung  8:30 sa buntag sa GMA7 inyong masaksihan sa Let’s fiesta featuring: Tawo-Tawo Festival sa Bayawan City. Ug dili kay kana lang ni side trip usab si John Feir ( host sa maong programa ) sa Lungsod sa Basay. Kinsa ang iyang travel buddy? Ang gihigugma nako nga si Carlos Miguel  (Mikael Daez ) ug ang gihigugma ni Carlos Miguel nga si Cecilia( Andrea Torres ). Hugyaw ang mga adventure ni Andrea Torres. Busa Tutok na!

Pero Hugyaw usab ang akong nasinati sa usa sa mga hugna sa BuenaMano Balita nga gibida namo niaging semana ang gitawag nila nga yoga. Unang kasinatian kini nako nga buhaton, sa paghinabi nako sa mga yoga instructor nga si Ms. Jenifer Grace Martinez ma inspire gyud ka mag-yoga, naa usab si Mr. Robert Vecchioni nga puwerteng panggawas sa akong mantika sa dihang gipakita namo ang Power Yoga. Dili ingon ana kasayon para sa mga first timers nga mo deritso  dayon sa Power Yoga, dapat suwayan usa nato ang ilang beginner’s class. I’m so excited and I cannot hide it! Hahahahaha! Tungod kay puno ko sa inspirasyon nga magpasingot, unsa pa ang dugayan nako? Try it to believe it! Kauban si Partner Ching among suwayan karung adlawa ang ilang free yoga o maayo kini sa nagsugod palang mag-yoga. Ingon bitaw ko sa akong mga BisChikadora nga ang tuyo ug tumong nako nganong ni sakripisyo ko ani nga mag-exercise kay para manggawas imong singot kay it makes you feel good ug para usab sa atong panglawas nga murag aliwas! Kung mo mogamay gamay ang timbang nako nga 300 pounds something o sa 138 kilos something ko karun, Hugyawlicious! Mas doblehon nako ang pagpaningkamot nga ma burn nako ang akong mga tambok! Hahahahahha! Sa pagkakarun, continue lang ko sa akong gibati nga pasingot mode nahimo nakong inspirasyon mao ang akong trabaho. Korek! Tama! Check! Kapoy mo trabaho pero mas kapuy kung walay trabaho. Nagtrabaho ko para sa akong pamilya pero hatagan gihapon nato og oras ang atong kaugalingon mga sweet butanding, usa na niini ang mga nagkadaiyang exercise. Sa gusto mag yoga tawag lang sa Yoga Hub - 0917 6229642 o 268 9642, pangitaa lang si Suzette Mira nga hugyawcious!

Kinsa siya BisChika: Kinsa siya? Usa ka hunk aktor gipaadto iyang ka love team para sa usa ka event apan sa dihang didto na ang ka love team iya lang kining gi-deadma. Ang ending naghilak ang iyang ka love team nganong ing-ato ang nahitabo, nagsabot man unta sila nga magkita sa maong event. Kinsa ang hunk aktor? Love nako siya. Kinsa ang ka love team? Hate nako siya. Hahahaha! Kinsa siya? Secret...

Atangi Sunod Domingo: Ari kita sa Local Kinsa siya? Kinsa siya nga diva nga matinggira? Ayaw sipyata!