Ryzza mobiya na sa Tondo

CEBU, Philippines - Hapit na manamilit si  Ryzza  Mae Dizon  sa iyang mga kaliwat sa  Tondo, Manila gumikan kay mopalit na siya og kaugalingong balay sa  Fairview, Quezon City. Kinahanglan nga mobalhin ang child star og balay aron  dili siya ma-late sa Eat Bulaga.

Anjo mawagtang dayon

Mubo ra ang appearance ni  Anjo Yllana sa bag-ong sitcom sa GMA-7 nga Vampire ang Daddy Ko gumikan kay magsugod na ang campaign period karong March 29. Subling magpapili pagka-konsehal si Anjo  sa ikalimang distrito sa Quezon City.

Konsyerto ni Nora madayon

Gipasalig ni Nora Aunor nga inigkahuman sa operasyon sa iyang tutonlan didto sa Amerika , mobalik gyud siya dinhi sa Pilipinas ug idayon gyud niya ang  iyang konsyerto karong Mayo. Tiwason usab niya ang mga proyekto niya sa TV 5 ug usa na niini ang seryeng Never Say Goodbye.

Jerome mihimakak sa report

Gihimakak sa teen actor Jerome Ponce ang report   nga matud pa iyahang gipanguyaban  ang "Aryana" star  nga si Ella Cruz. Suma pa ni Jerome nga close lang gyud ang ilang mga inahan hinungdan nga suod pud sila ni Ella. "Sa totoo po best friends ang mommy namin... very close as in kalokohan noong high school days at college days," suma pa ni Jerome sa interview niini sa  "KrisTV" kagahapon.

Kapamilyang Sunshine

Gikumpirmar na kagahapon ni Sunshine Cruz nga duna siya’y umaabot nga mga proyekto sa ABS-CBN. Gipili ni Sunshine nga ma-busy sa iyang career aron dili siya ma-stress pag-ayo sa nagkaproblema nga relasyon nila ni Cesar Montano.  

Kagawasan

Gibutyag ni Vic Sotto nga dili isyu ang age gap nila ni Pauleen Luna.  Giklaro usab niya nga dili niya pugngan si Pauleen kung dunay mga kissing scenes sa nagkadaiyang proyekto niini.

Eula ekslusibo na sa TV 5

Gibalibaran na ni Eula Valdez ang afternoon series ni Ejay Falcon sa ABS-CBN nga Dugong Buhay gumikan kay nipirma na siya og exclusive contract sa TV 5. Ang Cassandra: Warrior Angel  maoy unang proyekto ni Eula sa Kapatid Network kung diin makauban niya sila si Gabby Concepcion ug Eula Caballero.

Walay angay nga kahadlokan

Kung dunay family occasion, okay lang kang  Oyo Sotto kung magkaabot sila  ni  Pauleen Luna kinsa uyab sa iyang amahan nga si Vic Sotto.  Tsika pa niya nga walay angay nga kahadlokan si Pauleen gumikan kay iyang girespetar ang lovelife sa iyang amahan.

Nagtigom na

Gibutyag ni Nikki Gil nga nahisgutan na nila sa iyang uyab nga si Billy Crawford nga magminyo apan nagpaabot ra gyud sila sa saktong panahon. Gibutyag usab niya nga nagtigom na sila ni Billy alang sa maong butang. Masaligon si Nikki nga si Billy na gyud ang iyang mabana puhon gumikan sa pagkamasinabtanon niini.(Sanden J. Anadia)

Aerosmith ug Demi motikang sa Pilipinas

Magbaha gyud karon summer ang nagkadaiyang foreign artists nga motikang dinhi sa Pilipinas aron mag-concert.

Kumpirmado na nga mag-concert  sa nasud ang  rock band nga Aerosmith sa  Pasay City karong  May 8.

Nasayran nga ang  frontman sa maong banda mao  ang kanhi  American Idol judge nga si Steven Tyler.

Gawas ni Steven, ang Aerosmith  gilangkoban  usab nila ni Joey Kramer (drummer), Joe Perry (guitarist), Tom Hamilton (bassist),  ug Brad Whitford .

Ang maong grupo maoy nagpasikat sa  "I Don't Want to Miss a Thing," "Pink," "Dream On," "Janie's Got a Gun," "Jaded," "What It Takes" ug uban pa.

Sila maoy giila nga  "greatest rock and roll band"sa  Amerika ug gihuptan nila ang kasamtangang record nga  “best-selling American rock band of all time”  kung diin nahalinan na sila og 150 million albums  sa tibuok kalibutan.

Samtang karong March 20 usab ang  concert sa Pilipinas  sa  singer-actress nga si Demi Lovato.

Sa Araneta Coliseum himoon ang concert  ni Demi  kung diin ilusad usab niya ang iyang   bag-ong single nga "Heart Attack."

Megan pasok sa Never Say Goodbye

Ang kanhi Kapamilya star ug karon Kapatid na nga si   Megan Young maoy bag-ong gipuno nga bitoon sa seryeng Never Say Goodbye sa TV 5 ug modala siya sa karakter isip assistant  ni Greta Pendleton (Rita Avila) nga maoy makaaway ni Criselda (Alice Dixson).

Si Megan usab ang mahimong makatigi ni Sophie Albert sa kasing-kasing ni Vin Abrenica sa nahisgutang serye.

Nasayran nga gidugangan ang cast sa maong serye human temporaryong nawala si Nora Aunor gumikan sa pagpa-opera sa tutonlan niini sa Amerika.

Paulo nag-sorry sa press

Nahiubos ang pipila ka mga sakop sa  Entertainment Press Society (ENPRESS) ngadto kang  Paulo Avelino gumikan sa lenggua sa aktor sa dihang  ni-present kini og award sa bag-ohay lang nga 2013 Golden Screen TV Awards.

Suma pa nga gihangyo si Paulo nga moanunsyo og usa ka award sanglit nagkuwang ang presenters  niadtong higayona. Maayo na lang gani nga misugot ang manager ni Paulo.

Apan nakugang na lang ang mga reporter gumikan kay sa pagtungtong ni Paulo sa entablado nilenggua dayon kini og   “Mahirap magtrabaho kung napilitan ka lang”.

Ang manager ni Paulo nga si Leo Dominguez nangayo og pasaylo ngadto sa ENPRESS  ug nihulagway nga “innocent joke” lang ang nasulti sa aktor. Nagkanayon si Leo nga mahiligon lang gyud si Paulo nga magkomedya. “Paulo Avelino would like to apologize to the Enpress for the statement he made when he presented an award during the Golden Screen Awards. He was just trying to crack an innocent joke to lighten up the program, with no intention to offend anyone, most especially his friends from the press. He now realizes the consequences of his statement and he would like to exhaust all means to reconcile with those he offended,” nagkanayon si Leo.

Kahinumduman nga daghan usab ang nahiubos nga mga sakop sa media sa Sugbo ngadto kang Paulo sa dihang nitikang kini dinhi sa Cebu niadtong Enero gumikan kay kalit lang nisabat ang iyang handler sa presscon nga nilenggua nga dili puwede pangutan-on og “personal question” ang aktor.

Christian ni-guest  sa EB Indonesia

Nagmalampuson ang pag-perform ni Christian Bautista dili pa lang dugay sa programang Eat Bulaga! Indonesia.

“Nakakatuwa kasi finally a Filipino show na-franchise ng Indonesia, so who knows kung ano pa ang next na i-franchise ng ibang bansa mula sa atin,”  tsika pa ni Christian ngadto sa PEP.

Suma pa sa singer nga komportable kaayo siya sa iyang pag-guest sa maong programa gumikan kay susama gyud ang dating niini sa Eat Bulaga sa Pilipinas.

Ni-guest si Christian sa maong programa gumikan kay iyang gi-promote ang bag-o niya nga album nga nag-ulohan og First Class.

Big sister ra!

Mitingog na gyud ang komedyanteng aktres nga si Cacai Bautista kalabot sa tsismis nga matud pa duna sila’y relasyon sa  Thai superstar nga si  Mario Maurer.

Suma pa ni Kakai nga dili tinuod ang maong istorya ug suod lang gyud sila nga higala ni Mario sukad sila nagkauban sa pelikula nga Suddenly It’s Magic kung diin si Erich Gonzales maoy leading lady sa Thai actor.

Gikatahong nagbuwag na ang Thai actor nga si Mario Maurer ug ang  walo ka tuig na niya nga girlfriend busa mitumaw ang mga obserbasyon nga posibleng ang komedyanteng aktres nga si Cacai maoy gipangulitawhan karon sa aktor. 

Kahinumduman nga namantala dinhi sa Banat News Hugyaw sa miaging adlaw ang hulagway sa duha nga sweet kaayo.

 â€œNaku hindi po. Uulit-ulitin ko, magkaibigan lang po kami. Magkaibigan lang po talaga kami ni Mario Maurer... Kumalma silang lahat, may pag-asa pa kayong lahat. Huwag kayong magalit sa akin. Kasi hindi ko rin naman kasalanan kung bakit kami naging magkaibigan. Siguro nag-click lang talaga kami kasi mabait siya. Kapag may pagkakataon na maging kaibigan mo siya, mabait talaga siya, aalagaan ka talaga niya,” suma pa ni Cacai sa phone interview niini sa  ABS-CBN News.

Suma pa ni Cacai nga igo lang siya nilaag sa Thailand uban sa iyang friends  ug nagkita na lang pud sila ni Mario gumikan kay higala man sila niini apan dili ang aktor ang  tumong sa pagtikang niya sa maong nasud.

 â€œActually pumunta po ako ng Bangkok with my friends. It was a personal trip. We do it every year ng mga friends ko, we go to places like Singapore, Hong Kong or whatever country in Asia. We decided to go to Thailand because we want to shop. It just happened na I have Thai friends like Mario, 'yung manager niya, 'yung brother niya so kinita ko na sila doon,” pagpasabot pa ni Cacai.

Natandog si Cacai  sa dihang giimbitar siya ni Mario nga mag-dinner bisan pa man sa ka-busy sa  schedule niini..

“Actually nga pagkapunta namin doon, alam ko naman kasi sobrang busy niya eh kasi he’s doing a movie in Thailand now. Other than that, mayroon pa siyang shoot abroad, pictorials, so hindi ko na in-expect na I’ll see him, pero ayun, nagkita pa rin kami,” dugang pa ni Cacai. Mensahe pa niya ngadto sa mga fans ni Mario nga dili unta siya dumtan sanglit “big sister” ra ang dating niya ngadto sa aktor.

“If it’s destined to happen, it will happen. Right now, I’m happy with our friendship. Parang I’m like a big sister to him kasi. Sobrang bait niya lang talaga. Wala akong masabing hindi maganda about him,” paambit pa ni Cacai.

Performance ni Adriana wala mataypi sa mga hurado

Wala mahimuot ang mga hurado sa  “American Idol” sa  performance sa  Filipino-American singer  nga si Adriana Latonio kagahapon (oras sa Pilipinas). Nagkinahanglan si Adriana og daghang botos karon aron hingpit siya nga makasulod sa Top 10.

Giawit niya kagahapon ang “Stand Up For Love”  sa Destiny’s Child’s apan pipila sa mga hurado nga nihulagway nga uga ra kaayo ang iyang pagkanta niini.

Suma pa sa usa sa mga hurado nga si Keith Urban nga sayop ang gipili nga kanta ni Adriana gumikan kay wala kini mohaom sa iyang tingog.

“I’m a little nervous about that song choice for you tonight because in the midst of everything that we’ve been hearing tonight and just the level that everything is at, I’m a little worried that wasn’t the best song choice for you,” nagkanayon si Keith.

Samtang ang laing hurado nga si Nicki Minaj niuyon sa komento ni Keith ug giingnan niya si Adriana nga labing maayo nga mobalik na lang kini sa sunod nga season sa American Idol. “After Angie, Amber and Kree, I would suggest that you work a little bit and come back next year. It just really didn’t stand out. I think the song was too big for you,” matud pa ni Nicki.

Dugang pa ni Nicki nga wala siya’y nakita nga emosyon sa performance ni Adriana. “It was real pageanty. But you have a strong voice and I think it’s just gonna take a little bit more experience and then come back in here and own it,” nagkanayon si Nicki.

Si Randy Jackson nihulagway usab sa  performance ni Adriana nga  “boring.”

“Everything is in this kind of thing and you just have to come in and slay it. That didn’t happen. It was kind of boring really,” saysay pa ni Randy. Ang hurado nga si Mariah Carey nisaysay usab nga mas hugyaw ang nangagi nga mga performance ni Adriana ikumpara kagahapon.

“I really enjoyed your last performance... We’re used to hearing a little more of a soulful moment from you that’s less produced and what not arrangement-wise. Anyway, I still enjoy your voice and I hope everybody saw your previous performances. Keep it going,” mapahiyomong mensahe ni Mariah. (BANAT NEWS)