Hindi si Erich ang natipuhan ng Thai actor, relasyong Mario Maurer at komedyanang si Cacai Bautista totohanan?

Iba’t iba ang reaction nang nakabalita na nagdi-date ang Thai superstar na si Mario Maurer at Filipina comedian na si Cacai Bautista. Merong hindi naniwala, may naniwala, may natuwa, may nainggit at meron ding nega ang reaction.

Lalong umigting ang tsismis nang makita sa Instagram account ni Cacai ang picture nila ni Mario nang magpunta siya sa Thailand. Pati sa Thailand, nakarating na ang tsika at nag-deny ang isang Thai actress na may dini-date si Mario. Curious lang kami kung bakit ang Thai actress ang nag-deny.

“We’re good friends,” ang sagot ng komedyante sa tsismis sa kanila ni Mario at ayaw magpa-interview dahil nahihiya sa aktor. Break na ang Thai actor sa long-time GF niya, kaya natural lang na ma-link sa iba.

Naging close sina Cacai at Mario nang mag-shooting dito ang aktor ng Star Cinema movie na Suddenly It’s Magic. Si Erich Gonzales ang partner ni Mario pero kay Cacai siya na-link.

Naalala naming sa presscon ng movie, kita ang closeness nina Mario at Cacai. Also, nabasa namin ang tweet ni Mario na gusto niyang kumain ng adobo at miss niya ang Filipino fans niya.

Rufa Mae walang kiyemeng nagpakita ng puwet!

Team effort ang paggawa sa pelikulang Raketeros dahil tulung-tulong sina Direk Randy Santiago, Ogie Alcasid, Dennis Padilla, at Quezon City Mayor Herbert Bautista sa pagbuo ng script. Kuwento ni Ma­yor, ’pag nasa set sila, doon pinag-uusapan ang script ng action/comedy/musical movie.

Ang family din ni Herbert ang producer ng Rake­teros na kung siya ang masusunod ay gusto niyang sa second o fourth week ng May ang playdate. Thankful si Herbert sa maraming kaibigan guests sa movie gaya nina Janice de Belen, Cherry Pie Picache, Joey Marquez, Anjo Yllana, at Rufa Mae Quinto na may butt exposure raw. Kaya ito pumayag dahil comedy naman ang pelikula.

Edu ipinakilala na ang gf na taga-sales department ng TV5

Taga-Sales department daw ng TV5 ang girlfriend ngayon ni Edu Manzano, ipinalit ng TV host kay Pinky Webb. Isinama ni Edu ang girlfriend sa birthday party ng manager niyang si June Torrejon noong Huwebes ng gabi sa Andrea North Towers sa Quezon City.

Hindi kami sure kung kilala na ni Luis Manzano ang bagong GF ng ama pero sa birthday party ni June, nagkita ang mag-ama kasama ang respective girlfriends nila.

Kasama ni Edu ang new lady at kasama naman ni Luis ang nobyang si Jennylyn Mercado.

Saab walong litrong tubig ang inuubos pag nasa trabaho

Bukod kay Carmina Villarroel-Legaspi, si Saab Magalona ang nakita naming celebrity na may dala-dalang walong litro ng tubig na kailangang inumin niya sa buong araw. Pagmamalaki ni Saab, nauubos niya ang ganun karaming tubig lalo na kung may trabaho siya.

Malaking tulong ang pag-inom ng maraming tubig dahil lately ang mga eksena niya ay madalas umiiyak ang karakter niyang si Leila dahil iniwan ni Patrick (Geoff Eigenmann) para kay Adora (Heart Evangelista).

May kissing scene sina Saab at Geoff, hindi nailang ang dalaga dahil matagal na silang magkaibigan ng aktor at komportable na siya. Gusto niya ang role niya sa Afternoon Prime dahil kontrabida nga pero nakakaawa siya.

Samantala, matutuwa ang JuliElmo fans sa sinabi ni Saab na walang relasyon ang kapatid niya at si Lauren Young. Magkakaibigan lang sila, kaya hindi dapat magalit kay Lauren ang fans nina Elmo Magalona at Julie Anne San Jose.