Pinay pakyas sa pagsulod sa Top 20

CEBU, Philippines - Wala makasulod sa  Top 20 sa bag-ong season sa  American Idol (AI)  ang Pinay nga Bridget  “Jett” Hermano.

Bisan niini  nakadawat gihapon og mga positibong feedback ang pagkanta ni Bridget og  “Only Girl (In The World)” nga orihinal nga giawit  sa  RnB singer nga si Rihanna.

Ang mga hurado nga sila si  Keith Urban, Randy Jackson, Nicki Minaj ug  Mariah Carey mihulagway nga  unique ang song arrangement sa  half Pinay finalist nga si Bridget. Apan duna lang sila’y gi-expect nga butang ang wala mabuhat ni Bridget butang nga nakapatagak niini.

Usa sa ganahan sa pipila ka mga hurado, mao ang falsetto voice ni Bridget.