Walay make-up

CEBU, Philippines - Daghan ang nakadayeg ni Angeline Quinto sa dihang nisulod kini sa usa ka comedy bar sa kaulohan nga  simple lang kaayo ug wala gyud nag-make-up hinungdan nga wala dayon siya mabantayi sa mga tawo. Matud pa ni Angeline nga mag-make-up lang siya kung dunay event, iyaha matud pa nga ipabilin ang iyang pagka-simple sa normal nga mga adlaw.

Mark  nagpa- slim

Nag-gym si  Mark Bautista gumikan kay gikinahanglan nga slim siya sa umaabot niya nga  musical play nga The Full Monty diin makauban niya sila si Arnell Ignacio, Marco Sison, Jaime Wilson, OJ Mariano, ug  Niño Alejandro.

Claudine mobalik sa Dos

Gikatahong nakighinabi na sa mga kadagkoan sa ABS-CBN si Claudine Barreto gumikan kay gusto na kini nga mobalik sa maong network. Nasayran nga pipila ka tuig nga nag-istar si Claudine sa Dos sa wala pa kini nitikang sa GMA-7.

Sam nagkuha og tutor

Gibutyag ni Sam Milby nga nagkuha siya og tutor aron mabansay pag-ayo ang saktong paglitok sa pinulongang Tagalog. Mao kini ang iyang preparasyon alang sa pagbalik sa taping sa seryeng Against All Odds. Kahinum-duman nga nahunong ang taping sa maong programa sa miaging tuig gumikan kay dunay ginagmay nga kausaban sa cast.

Paulo gipares ni Mara

Ang anak ni Maria Isabel Lopez nga si Mara maoy leading lady ni Paulo Avelino sa Bicolano film nga Debosyon. Suma pa ni Paulo nga nagtuon siya pag-ayo og Bicolano aron lang gyud mahugyaw kaniya ang viewers.

Intriga natuldokan

Giklaro ni Ms. World first runner-up Gwendolyn Ruais nga duna siya’y uyab apan dili kini si Mark Bautista. Ginganlan og David ang uyab ni Gwendolyn busa matuldokan na ang tsismis nga dunay relasyon ang beauty queen ngadto sa singer.

Lovelife gipadaplin

Dili pa segurado nga makatunga ang European boyfriend ni BB Gandanghari sa umaabot niya nga stage play sunod buwan. Matud pa ni BB nga dili niya kini pugson busa iyang gihatag ang iyang atensyon karon sa maong proyekto ug dili una siya ganahan maghisgot og lovelife.

Cristine gikapoy

Gibutyag ni Cristine Reyes nga dili na niya panumbalingon ang mga tweet sa iyang maguwang nga si Ara Mina nga naghisgot nga dunay mga dautan nga tawo karong panahona. Daghan ang nagduda nga si Cristine gihapon ang gipadungog-dungog ni Ara. Gikapoy na si Cristine sa pagpatol og mga isyu.

Derek target ni Nadine

Panghinaut  ni Nadine Samonte nga makauban gihapon niya pagbalik si Derek Ramsay sa laing proyekto sa higayon nga mahuman na ang Kidlat. Aminado si Nadine nga duna na’y followers ang  tandem nila ni Derek.

Wet & Wild ni Anne

Gikagubtan na karon og maayo ang video ni Anne Curtis sa iyang pagkanta og “Diamonds” sa ASAP18 adtong Domingo agig pagsaulog sa iyang birthday. “Wet & wild” ang mugna ni Anne Curtis sa maong performance nga nagsilbing finale sa nahisgutang variety show adtong Domingo---may improvised shower effect pa, aron daw naligo siya sa uwan samtang miawit. Gawas nga nindot ang maong performance ni Anne, nahugyaw pud ang nagkagubot karon sa video gumikan sa taas kaayo nga slit sa iyang black gown nga mihulma sa ka sexy sa nahisgutang Princess of All Media.

Mga biktima ni Gerald?

Nagtuyok-tuyok  sa nagkadaiyang online sites kining maong hulagway nila ni Kim Chui ug Sarah Geronimo karon nga may title: Caption This. Unsa kaha matud pay giistoryahan niining duruha nga managsama man sila nga nalambigit kang Gerald Anderson kaniadto. Si Kim ug Gerald maoy unang nagkauyab, samtang sa milabay nga tuig, gilambigit ang young actor ngadto kang Sarah.

Giingong hapit na gyud magkauyab ang duruha apan kalit nga miundang ang young actor sa iyang tinguha ngadto kang Sarah ug gidudahan nga siya maoy gipadungog-dungog sa popstar princess kaniadto sa mga punchlines niini sa bag-o lang gitapos nga Sarah G. Live sa ABS-CBN matag Domingo sa gabii. Pagkakaron, si Gerald ug Maja Salvador na ang giingong may espesyal nga relasyon, gani, nag-helicopter pa sila paingon sa Tagaytay alang sa usa ka lunch date adtong February 14.

Ang gikatahong relasyon karon ni Gerald ug Maja migisi sa maayong relasyon sa nauwahi ug ni Kim sanglit mag-bestfriend sila kaniadto ug ang award-winning actress pa ang  silbing “shoulder to cry on” ni Kim, apan daw gikaon niini ang iyang gipangtambag matud pa kaniadto sa Pinoy Big Brother grand winner.

Anak ni Jinggoy pasok sa Star Magic

Si Julian Estrada na kaha ang hulga sa kasikat ug kagwapo ni Daniel Padilla sa dili madugay? Si Julian, anak ni Senator Jinggoy Estrada ug Precy Ejercito, ug apo ni kanhi Presidente Joseph Estrada. Kining maong cutie lakip sa ipaila ug ilusad sunod buwan isip sakop sa Star Magic Batch 2013.

Wanted Artista!

Usa ka talent sourcing organization ang nanginahanglan karon og dugang mga actor ug aktres alang sa nagkadaiya nga international projects.

Ang Asia Film Talent mopahigayon og audition sa Sabado, Marso 2, 2013 gikan sa alas otso sa buntag hangtod alas singko sa hapon.

Pipila sa mga umaabot nga proyekto sa Asia Film Talent naglangkob sa paggama  og audio books, radio programs, educational videos, advertisements, TV series, documentaries ug feature films.

Ang madala sa audition ipaubos og nagkadaiya nga mga workshop aron mabaid ang mga talent niini.

Alang sa gusto mo-audition, gikinahanglan nga maayo moarte ug muistorya og pinulongang English.

Mahimong motawag sa 268-6289 o mutext sa 09225554433 aron mukompirmar sa inyong pag-apil ug alang sa dugang detalye.

Aiza winner, Daniel nangharos

Ang awit nga ginama ni Joven Tan ug gihatagan og kinabuhi ni Aiza Seguerra nga nag-uluhan “Anong Nangyari Sa Ating Dalawa” maoy midaog sa main category sa Himig Handog P-Pop Love Songs adtong Domingo sa gabii didto sa SM Mall of Asia Arena. Samtang ang awit nga “Nasa Iyo Na Ang Lahat” ni Junjee Marcelo ug giawit ni Daniel Padilla nanghakot og special awards.

Ania ang kompletong resulta gikan sa www.starmometer.com:

1st Place:

“Anong Nangyari Sa Ating Dalawa”

By Jovinor Tan, performed by Aiza Seguerra

2nd Place:

“Hanggang Wakas”

by Soc Villanueva, performed by Juris Fernandez

3rd Place:

“If You Ever Change Your Mind”

by Marion Aunor, performed by Marion Aunor

4th Place:

“Scared To Death”

by Domingo Rosco Jr., performed by KZ Tandingan

5th Place:

“Kahit Na”

by Julius James de Belen, performed by Toni Gonzaga

Star Records Buyer’s Choice:

“Nasa Iyo Na Ang Lahat”

by Jungee Marcelo, interpreted by Daniel Padilla

2nd Place:

“Scared To Death”

by Domingo Cubelo Rosco Jr., interpreted by KZ Tandingan

3rd Place:

“If You Ever Change Your Mind”

by Marion Aunor, interpreted by Marion Aunor

TFC’s Choice:

“This Song Is For You”

by Jude Thaddeus Gitamondoc, interpreted by Erik Santos

2nd Place:

“Nasa Iyo Na Ang Lahat”

by Jungee Marcelo, interpreted by Daniel Padilla

3rd Place:

“Anong Nangyari Sa Ating Dalawa”

by Jovinor Tan, interpreted by Aiza Seguerra

Tambayan 101.9 Listener’s Choice:

“Nasa Iyo Na Ang Lahat”

by Jungee Marcelo, interpreted by Daniel Padilla

2nd Place:

“Hanggang Wakas”

by Soc Villanueva, interpreted by Juris Fernandez-Lim

3rd Place:

“If You Ever Change Your Mind”

by Marion Aunor, interpreted by Marion Aunor

MOR Listener’s Choice:

“Nasa Iyo Na Ang Lahat”

by Jungee Marcelo, interpreted by Daniel Padilla

2nd Place:

“Pwede Bang Ako Na Lang Ulit”

by Jeffrey M. Cifra, interpreted by Bugoy Drilon

3rd Place:

“Scared To Death”

by Domingo Cubelo Rosco Jr., interpreted by KZ Tandingan

MYX Choice For Best Video:

“Nasa Iyo Na Ang Lahat”

by Jungee Marcelo, interpreted by Daniel Padilla

Produced by Ateneo de Manila University

NON-WINNING FINALISTS:

“Alaala”

by Ma. Fe Mechenette G. Tianga, Melvin Huervana and Joel Jabat Jr. interpreted by Yeng Constantino

“One Day”

by Agatha Obar Morallos, interpreted by Angeline Quinto

“Pwede Bang Ako Na Lang Ulit”

by Jeffrey M. Cifra, interpreted by Bugoy Drilon

“Sana’y Magbalik”

by Arman Villarta Alferez, interpreted by Jovit Baldivino

“Tamang Panahon”

by Wynn Andrada, interpreted by Wynn Andrada