Cynthia Villar, Zubiri, at Marwil Llasos magbabanggaan sa harapan 2013

MANILA, Philippines - Gigisahin ng beteranong mamamahayag na si Lynda Jumilla ang mga kandidato sa pagka-senador na sina dating Rep. Cynthia Villar, dating Sen. Miguel Zubiri, at ang pambato ng Kapatiran Party na si Marwil Llasos ukol sa kanilang mga plano at plataporma para sa bayan ngayon (Feb 26) sa election program ng ANC na Harapan 2013. Paano tatapatan ng abogado at baguhang pulitiko na si Llasos ang beteranong si Villar ng Team PNoy at si Zubiri ng United Nationalist Alliance? Ang Harapan 2013 ay bahagi ng serye ng forums at elections specials ng pinakapinagkakatiwalaang cable news channel ng bansa para sa Halalan 2013,  ang election coverage ng ABS-CBN na naglalayong mapalawak ang kaalaman ng mga Pilipino bago bumoto. Kilalanin ang mga senatorial candidates base sa kanilang mga kakayahang baguhin ang kinabukasan ng bayan 7:00 p.m. ngayon (Feb 26) sa ANC (SkyCable Channel 27).