Bagong kotse ni Alden Richards nabangga!

SEEN: Isang milyong piso ang premyo ng composer ng Anong Nangyari sa Ating Dalawa, ang grand winner sa Himig Handog P-Pop Love Songs. Si Aiza Seguerra ang interpreter ng winning song.

SCENE: Inabot ng ala-una nang madaling-araw ang delayed telecast ng ABS-CBN sa Himig Handog P-Pop Love Songs na ginanap sa The Arena noong Linggo ng gabi.

SEEN: Ang story conference at pictorial kahapon sa GMA Network building ng cast ng Mundo Mo’y Akin, ang primetime show ng GMA 7 na tatampukan nina Alden Richards, Louise delos Reyes, Jolina Magdangal, Angelika dela Cruz, at Gabby Eigenmann.

SCENE: Wala si Louise delos Reyes sa storycon ng Mundo Mo’y Akin dahil may shooting siya sa Batangas.

SEEN: Nabangga ng tricycle ang bagong sasakyan ni Alden Richards noong Sabado. Ang driver niya ang nagmamaneho ng sasakyan nang mangyari ang aksidente. Noong nakaraang taon, nabangga rin ang lumang sasakyan ni Alden dahil nakatulog ang driver niya habang nagmamaneho. Dapat nang kumuha ng bagong driver si Alden.

SCENE: May birthday concert si Daniel Padilla sa Smart Araneta Coliseum sa April 2013. Ipagdiriwang ni Daniel ang kanyang 18th birthday sa April 26.