Fans ng Be Careful… nagbubunyi!
Marami ang natutuwa na hindi pala iiwan ni AiÂza Seguerra ang kanyang role bilang Cristina Rose/Kute sa Be Careful With My Heart. Hindi na darating sa kanya ang panahon na kailangan siyang pumili. Batid ng lahat na kung malalagay sa alanganin ang kanyang loyalty sa show na kanyang pinanggalingan, kapag itinapat ito ng ABS-CBN sa programang Eat Bulaga ay kinakailangang umalis siya sa seryeng kinalulugdan na ng lahat. Buti naman at hindi naman pala ito mangyayari kaya tuloy ang masayang panonood ng BCWMH.
Aljur biktima na rin ng nanggugulong fans
Hindi naman siguro ipagtatampo ni Kris Bernal ‘yung pagtatanggol ng ka-loveteam niyang si Aljur Abrenica sa girlfriend nitong si Kylie Padilla laban sa mga bumabanat dito sa internet.
Hindi naniniwala ang aktor na mga fans nila ni Kris ang gumagawa nun pero, nakiusap na rin siya na kung sinuman sila ay igalang nila ang relasyon nila ng dalaga ni Robin Padilla.
Ano nga naman ang punto ng panggugulo? Huwag naman sanang maging killjoy ang mga fans na ito. Nanonood ba kayo ng sine o TV show man lang nila o hanggang paninira lang kayo?
- Latest
