Batch 57 daghan pod

CEBU, Philippines - Na-hectic kaayo ang akong schedule atong Huwebes, (Valentine’s Day lagi uy), February 14. ay gikinahanglan gyod nga motambong ko sa Batch 57 3-day, Stay sa Walk With Jesus seminar, kay duna ko’y participant, ug kinahanglan pod gyod nga mo-report ko sa shooting sa Lenten Offering sa Vi tal Productions nga nag-ulohan og “Inahan, Ania Ang Imong Anak.”

Dili ba, ngil-ad man nga, duna kay participant, unya dili ka makita sa imong participant? For a fact, ako mismo, kun mahimo, ihatod gyod nako sa venue ang akong participant. Hinungdan nga, ang akong mga participant, paadtoon nako sa amo, aron magkuyog mi paingon sa venue (Echo Tech Center sa Sudlon, Lahug) alas 5:00 pa lang sa buntag, kay magsugod man ang seminar sa alas 6:00. May mga higayon pa gani nga adto na lang nako pakatulga sa amo ang akong mga participants, labi na’g taga probinsiya.

Kun dili pa Valentine’s Day, tulo untay akong participants, pero nag-back out ang duha, tungod kay Valentine’s Day. Gani, ang usa, usa ka DJ sa Energy FM, (DJ Ken Chong Dee), mihangyo unta  nga, mo  participate gyod unta siya, kun makagawas gawas pa siya, kay dili pod niya mabiyaan ang iyang timeslot sa Energy -- FM nga, naa ra ba unta sa duol sa EcoTech. Pero dili gyod mahimo, kay mahimo mang precedent. So, matud pang Bro. Ven Panimdim, “dili pa gyod ilang time, so next time na lang pod.” Pero bisa’g daghang wa makatunga. Kay Valentine’s Day, daghan pod gihapon ang mga participant. Kay matud pa nila ,mas nindot pa gani nga si Jesus ang ka-date sa Valentine’s Day.