Pagli-link kina Lovi at Rocco gimik lang! Sunshine pikon, talo!

SEEN : Madalas na nakatambay sa Victoria Towers condo unit ng isang female dancer ang model/actor na si Lemuel Pelayo. Ang gay friends ng dancer ang nagkukuwento na  live-in na sila ni Lemuel. In love na in love si Lemuel sa babae dahil ibinibigay nito ang lahat ng material things na gusto niya.

SCENE : Pilit na pilit ang pagli-link kina Lovi Poe at Rocco Nacino. Walang naniniwala na nagkakamabutihan sila. Malinaw na promo lang para sa Yesterday’s Bride ang pilit na pag-uugnay sa kanila.

SEEN : Pinag-aaralan pa ni Manila Police District Alex Gutierrez kung sasampahan nila ng kaso si dating Pangulong Joseph Estrada dahil sa pananakit at pananakot kay C/Inspector Morata na tatanggalin ito sa trabaho, pagkalipas ng tatlong buwan. Si Morata ang umaresto kay Manila City Vice-Mayor Isko Moreno noong Sabado dahil umano sa illegal gambling.

SCENE : Ang hysterical acting ni Alice Dixson sa Never Say Goodbye.

SEEN : Simpleng Jinggoy Ejercito Estrada ang title ng coffee table book na ipinamigay ni Senator Jinggoy Estrada bilang souvenir niya sa mga bisita sa kanyang 50th birthday ce­lebration.

SCENE : Hindi mapigilan ni Sunshine Cruz ang sarili sa pagsasalita sa social media laban kay Krista Miller. Pikon talo.

SEEN : Matunog na Mommy Alice at Daddy Ping ang tawag ni Iwa Moto sa kanyang mga biyenang hilaw. Buntis si Iwa sa magiging anak nila ni Pampi Lacson at magkasama sila kahapon sa kanyang checkup.

SCENE : Kailangan ni Jasmine Curtis-Smith ng body sculpting procedure and diet upang magkaroon ng korte ang kanyang diretsong katawan.