Pagbubuntis ni Iwa, nega ang reaction!

PIK: Isang expert ang mag-a-analyze ng mga kilos nina Rocco Nacino at Lovi Poe kung meron nga ba talagang namamagitan sa kanilang dalawa.

Kahit sinasabi nilang close friends lang sila, parang hindi convincing. Kaya sa guesting nila sa H.O.T TV mamayang hapon ay pag-aaralan ito ng isang expert kung close friends lang ba talaga o more than that.

Meron ding hindi ordinaryong tsismis ang H.O.T. TV tungkol sa on-cam love team ng young actor at young actress na narinig ang bulungan nila. Wala kasi silang kamalay-malay na nakabukas pa pala ang lapel mic nila sa set. Kaya dinig na dinig sa control booth ang bulungan nilang dalawa.

PAK: Huli naman namin ang kilalang young actress na hinatid ni hunk actor sa airport kamakailan lang.

Deny sila nang deny sa kanilang relasyon pero nabuking naman ng mga kasabay ni young actress sa biyahe dahil nakita nilang si hunk actor ang naghatid sa kanya ng madaling araw.

Pagpasok ng airport at todo kantiyaw sa mga kasamahan, ngumingiti lang ito dahil kitang-kita namang merong namamagitan sa kanila.           

Ang isa pang napansin ay ang isang maliit na bag na dala ni young actress, may nakasabit na key chain na may letter C. Hindi naman iyon ang initial ng first name ni young actress. Initial iyon ng first name ni hunk actor.

BOOM: Marami ang ’di nagustuhan ang paglabas ni Iwa Moto para aminin ang kanyang pagbubuntis kay Pampi Lacson.           

 Ang pagkakaalam namin, hindi pa sila annulled ni Mickey Ablan. Pero ayaw naman magkomento ni Mickey tungkol dito dahil may kanya-kanya na silang buhay.

Hindi lang tiyak kung annulled naman sina Jodi Sta. Maria at Pampi.

Karamihan na komento ng iba, parang hindi raw ito makakatulong sa pagtakbo ng kapatid ni Pampi na kalaban pa naman si Jolo Revilla na kasintahan naman ni Jodi.