Bukod... painit ang kuwento

MANILA, Philippines - Namayagpag sa TV ratings ang pilot episode ng pinakabagong Afternoon Prime ng GMA Network, ang Bukod Kang Pinagpala, base sa TV ratings data supplier na Nielsen TV Audience Measurement.

Base sa overnight household ratings data recorded sa National Urban Phils. para sa Pebrero 11, 2013, nagtaya ang Bukod Kang Pinagpala (BKP) ng 14.1 percent. Sa Urban Luzon, nakakuha ng 15.9 percent ang BKP.

Ngayong linggo, higit na magiging kumplikado ang lahat dahil sa pagpasok ni Janet Perez (Jackie Rice) sa buhay nina Bessie (Camille Prats), Leandro (Mark Anthony Fernandez), at Ofelia (Jennica Garcia). Dahil sa labis na pagkagusto kay Leandro, gagamitin niya ang kalungkutan ni Leandro upang akitin siya. Habang nasa isang bar kasama si Oscar (Carl Guevarra), lalapit si Janet at makikisama sa kanilang lamesa. Pagkakataon na kaya ito upang matuloy ang plano ni Janet na makuha ang loob ni Leandro?

Abangan ang mga matitinding eksena sa Bukod Kang Pinagpala na mapapanood Lunes hanggang Biyernes pagkatapos ng Yesterday’s Bride sa GMA Afternoon Block.