British vibe hahataw sa PP

MANILA, Philippines - Ang Party Pilipinas R_UK? ay ikatlo sa serye ng mga episode na dedicated sa mga Overseas Filipino Worker (OFW) at GMA Pinoy TV viewers sa buong mundo. Matapos ang mga episode na inspired ng Japan (Party Pilipinas: Sa ‘Yo ‘To) at ng Middle East (Party Pilipinas: From Saudi With Love), narito ngayon ang mga awitin at imahe na likha ng mga British global icon na hinangaan ng iba’t ibang henerasyon tulad ng The Beatles, Queen, Culture Club, Spice Girls, Boyzone, Adele, at One Direction.

Ang Fliptop sensation na si Abra ay nagbabalik para makipag-duet kay Julie Anne San Jose sa opening production kung saan makakasama nila ang higit pa sa 30 Kapuso stars tulad nina Regine Velasquez-Alcasid, Ogie Alcasid, Lovi Poe, Rocco Nacino, Dennis Trillo, Glaiza de Castro, Rafael Rosell, Aljur Abrenica, Kris Bernal, Down to Mars at ang mga Crush ng Bayan boys.

Magsasanib-puwersa naman ang mga Party Pilipinas artists sa entablado ng GMA Studio 7 para sa British pop music invasion sa Hot-taw. Sa Sayaw Pilipinas naman, ’80s UK New Wave remixes ang kanilang sasayawan pero meron din itong kakabit na Adele Medley kasama sina Rachelle Anne Go, La Diva, Kyla, at guest performers Panky Trinidad and Radha Cuadrado, ang dating lead singer ng bandang Kulay na minsan ay nag-top sa London Billboard charts.

Kasama ang mga Love, Party Pilipinas performers tulad nina Jennylyn Mercado at Jake Vargas, ang birthday girl na si Heart Evangelista ay kakanta ng touching love songs na ni-request at dedicated sa mga Pinoy na nakatira sa London, England. Ipakikilala rin niya ang kanyang mga alagang aso sa U Trend na iho-host nina Elmo Magalona, Janine Gutierrez, at Jolina Magdangal. Para naman sa kanyang fans, magkakaroon din si Heart ng isang special birthday performance ngayong Linggo.

Ang Kapuso fans na nanonood sa buong mundo ay hahandugan ng isang musical treat sa Triple Play performances nina Jaya, Protégé Krizza Neri at Mark Herras; tuluy-tuloy na kantahan ng Queen at The Police songs sa Brit Rock prod; at, isang 10-minute concert mula kay Mark Bautista sa Live, Now!

Magpe-perform din ang rap star na si Gloc9 ng kanyang latest single, Dapat Tama at makakasama rin siya nina Julie Anne San Jose at Elmo Magalona sa isang special anniversary production ng Party Pilipinas original musical na Elmo and Julie Anne: A Wazak Love Story.

Samahan ang mga party jock na sina Raymond Gutierrez, Tim Yap, Carla Abellana, Maxene Magalona, Rhian Ramos, at KC Montero sa kanilang paghatid ng Sunday noontime entertainment.