Show ni Shalani pahinga muna!
May panahon si Shalani Soledad-Romulo na mag-ikot sa Valenzuela City at kumunsulta sa kanyang constituents dahil naka-season break ang Game ‘N Go, ang Sunday game show ng TV5.
Kakandidato si Shalani bilang house representative ng isang distrito sa Valenzuela City kaya timing na timing ang season break. Ang balita ko, sa July pa magbabalik sa TV ang Game ‘N Go at malay natin, baka congresswoman na si Shalani sa mga panahon na ‘yon.
Christopher De Leon nagbabad sa ataol
Dead na ang karakter ni Christopher de Leon sa Pahiram ng Sandali at marami ang humanga sa kanya dahil napapayag siya na mahiga sa loob ng ataol.
Nakakaloka ang eksena dahil nakababad si Boyet sa loob ng ataol, for arts sake. Ganyan ka-professional na artista si Boyet. Hindi siya nandaraya ng mga eksena.
ZsaZsa first time walang ka-Valentine
Hindi maiwasan ni Zsa Zsa Padilla ang malungkot dahil ito ang unang Valentine’s Day na hindi niya kapiling si Mang Dolphy.
Out of town ngayon si Zsa Zsa dahil magkasama sila ni Kris Aquino sa pagbabakasyon sa isang newly-opened resort sa Surigao del Norte. Makakatulong ang pagpunta ni Zsa Zsa sa malayong lugar para mabawasan ang loneliness na nararamdaman niya.
Martin nagustuhan ang mga pagkain ni Ogie
Natikman na ni Martin Nievera ang mga pagkain sa Ryu, ang Japanese restaurant na pag-aari ni Ogie Alcasid.
Sinabi kasi ni Martin sa last presscon ng Foursome na hindi pa ipinapatikim sa kanya ni Ogie ang mga pagkain sa Ryu.
Umaksyon agad si Ogie sa reklamo ni Martin. Inimbitahan niya si Martin sa Ryu at dito natikman ng ex-husband ni Pops ang to live for na mga pagkain ng restaurant ni Ogie.
Ilang beses na akong nakapunta sa Ryu. Totoo naman na masasarap ang mga pagkain sa Ryu kaya binabalik-balikan ito ng mga kostumer. If I know, sponsor ang Ryu ng Foursome, ang concert ngayong gabi nina Ogie, Martin, Pops Fernandez, at Regine Velasquez sa The Arena. Isa na lang ang problema ko, ang correct pronunciation sa Ryu dahil may mga bumibigkas ng Rio at ‘yung iba naman, Rayu. Ano ba talaga?
Grace Poe pinakamagalang sa lahat ng kandidato
Hindi nakarating si Grace Poe sa proclamation rally ng mga senatorial candidate ng UNA sa Cebu City noong Martes.
Hindi man nakarating si Grace, pinapunta naman niya sa Cebu City ang kanyang panganay na anak.
Dumalo si Grace sa proclamation rally ng mga senatorial candidate ng LiÂberal Party sa Plaza Miranda at winner na winner ang sinabi niya na sa lahat ng mga kandidato, siya ang pinakamagalang dahil sa kanyang family name.
Bagong Santo Papa mula America
Umaasa ang mga Pinoy na kababayan natin ang susunod na Santo Papa at magiging kapalit ni Pope Benedict XVI pero iba ang napapanood sa CNN, BBC, at Fox News dahil mula sa Latin America at Europa ang inaasahan nila na mapipili bilang bagong lider ng Catholic Church.
Baduy na baduy female TV host kailaÂngan ng stylist, hindi na talaga naaayon sa edad ang pananamit
Kailangan na talaga ng stylist ng female host ng isang daily television show. Nilalait ang hitad dahil sa kanyang baduy na pananamit.
Ang hilig-hilig ng TV host na mag-experiment sa mga damit na hindi naman bagay sa kanya. Ang ending, pinagtatawanan at inookray siya ng televiewers.
Turn off na turn off din ang manonood sa kanyang trying hard na pagpapa-cute. Umaarte nang hindi naaayon sa edad ang baduy na TV host.
- Latest
