“Failed Relationship”“Why are you still here?

MANILA, Philippines - “Why are you still here? Luzon has been waiting for you since two years ago.”  Mao ni nga pangutana ang mitatak gyud sa akong hunahuna, human nako gipabasa akong kapalaran sa Indian nga tag-iya sa Firozian Indian Teahouse and Restaurant nga nahimutang diha sa likod sa Cebu Doctors Hospital adtong Lunes sa hapon. Suma pa niya, angayan nga dugay ra unta matud pa ko nga nanimpad sa Manila, sanglit tua gyud didto ang akong kapalaran, ilabi na sa natad sa panibya. Pero niya pa, nahadlok ko gumikan sa usa ka failed relationship nga akong nasinati sa nag-edad pa ko og 29 anyos, o lima ka tuig na ang milabay. “You are afraid to take risk because of a failed relationship when you were 28-29 years old. It scared you so much and you are afraid to be declined,” niya pa. Daghan kaayo siya og gisulti nako nga samtang nag-atubang pa mi, wala nako matugkad, apan sa dihang pagpauli na nako ug dayong pagkatulog, nasabtan nako nga the owner was 98% correct. Pakpak!

Ingon pa siya naa matud pay gintang nga dako, sanglit gikan sa nag-edad ko og 23-28 anyos,  labihan nako ka agresibo paggukod sa akong mga damgo sa kinabuhi, apan gumikan sa maong pakyas nga relasyon, hilabihan ang akong kahadlok. “You became paranoid,” niya pa. Mahadlok matud pa ko nga manimpad kay gusto ko og siniguro, hinungdan nga ang mga offers nga akong nadawat akong gibalibaran dayon nga wala gyud nako paminawa. “You’re worried about finances,” niya pa. Ako siyang giingnan nga gibalibaran nako ang akong mga offers, exactly two years ago because dili man to mao nga trabaho ang akong gipangandoy. Ingon siya, tinuod nga dili gyud to mao, pero usa adtong maong mga offers ang muhatod nako sa ako gyung gustong makab-ot career-wise. “ It will not be easy, there will be struggles, there will be failures, you will be disappointed. But   the more you fall, the more you fail, the more you become better and bigger. You will always bounce back,” niya pa. Pakpak!

Ingon siya, mga two-three years ago pa ko nibalik og ka confident, pero dili pa gyud hingpit. Mahadlok lang gihapon ko mu-risgo and passive ko when it comes to going after my career goals. Pero ingon siya, naa ra gyud nako tanan, muabot ra gyud matud pa ko sa akong gusto nga mahimutangan. Ang problema lang niya pa mao nga kun dili ko maniguro, dili ko murisgo, basin tiguwang na kaayo ko inig abot nako sa akong paingnan ug dili na nako mapahimuslan ang bunga sa akong mga paningkamot unya puhon.

Sa dayon namong human mihirit ko kun naa ba siya’y nakita nga binuhat nga muabot sa akong kinabuhi. Tubag niya, “when you are ready to take risk, love will eventually come.” Pakkk!

Happy Valentine’s Day dear okRYANians!

* * *

Reaksyon? Text me with your name and address pinaagi sa 0943-431-4567. Kutob lamang karong 12 noon, February 14, ang pagdawat nako sa inyong mga mensahe busa text text text na. Magdungog gihapon ta sa okRYAN sa dyRC—Radyo Calungsod 648khz., 10:30 am to 12noon, Mondays to Saturdays. Pangitaa ko sa Facebook: [email protected].  

Nindot ang unang labok sa Apoy

Mipakita og maayong labok ang labing bag-ong primetime offering sa ABS-CBN nga  Apoy Sa Dagat sa pagsugod niini adtong Lunes. Sa Mega Manila rating, suma pa sa AGB mitala kini og  21.2%. Katigi niini ang GMA-7‘s Pahiram Ng Sandali nga may  22.9%  ug Temptation of Wife nga may 24.4%.

Sa nationwide survey sa Kantar Media-TNS ang  Apoy Sa Dagat mitala og 25.9%, Temptation of Wife may  17.5%.

Samtang adtong Lunes sa gabii nagsugod ang The Greatest Love sa primetime sa GMA-7 nga maoy katigi sa Kailangan Koy Ikaw sa ABS-CBN.

Sa  AGB Nielsen Mega Manila ratings, natabla ang The Greatest Love ug Kailangan Koy Ikaw sa score nga 16%.

Sa afternoon block nagsugod pud ang Koreanovela nga  Oohlala Couple sa ABS-CBN ug mitala og 4.9%  batok sa One Piece sa GMA-7 nga  13.5%.

Sa Kantar  Media-TNS Total Philippines ratings, ang The Greatest Love mitala og 8.1%,  Kailangan Ko‘y Ikaw, 15.9%,  samtang Oohlala Couple  8.9%  ug One Piece‘s 10%.

Adtong Lunes sa hapon pud milugwa ang Bukod Kang Pinagpala  sa GMA-7 nga mitala og 16.6%, sa Mega Manila batok sa Paraiso, sa ABS-CBN nga may  7.6%.

Sa nationwide rating ang Bukod Kang Pinagpala mihipos og 12.1%  samtang ang Paraiso may 11.3%. (BANAT NEWS)