Mikael Daez sinungaling, relasyon kay Megan Young pinipilit ilihim kahit buko na

’Kaloka si Mikael Daez, echoserong frog! Noong makausap namin para sa finale episode ng Sana ay Ikaw na Nga nila ni Andrea Torres, ipinagpilitang close friend lang sila ni Megan Young. Pero hindi kami naniwala at ang ibang press na kausap nito at natatandaan pa naming itinapon namin ang gamit na ballpen na ang ibig sabihin hindi kami naniniwala sa pagdi-deny niya.

True enough dahil sa last Sunday issue ng The Philippine Star (Feb. 10) sa kolum niyang Fully Loaded, na-feature niya ang mga naka-love team niya sa movie and TV gaya nina Andrea Torres, Solenn Heussaff, at Marian Rivera.

Sa parehong kolum, may three pictures siyang ginamit na ang caption ay “Enjoying some cheesy moments with my real-life ka-love team.” Iyong isang picture, nilagyan ng heart ang face ng girl na humahalik sa cheek niya, ang isa silhouette, at ’yung third picture, shadow nila ng girl. Pero kahit anong takip, alam pa ring si Megan Young ang tinutukoy niyang “my real-life ka-love team.”

Sabi pa nito sa interview namin, “We’re friends, I don’t lie. I still see her, parang barkada. She’s pretty, but not my GF. Focus ako sa work.”

Kris at Boy Abunda isasalang uli sa talk show!

Ngayon ang balik ni Kris Aquino mula Zambales para sa taping ng Kaila­ngan Ko’y Ikaw, ang soap nila nina Anne Curtis at Robin Padilla. Ngayon ang balik nito at bukas, may presscon ng Pilipinas Go Talent na isa si Kris sa tatlong judges kasama sina AiAi delas Alas at Freddie Garcia. Sa Feb. 16 ang simula ng reality search show ng ABS-CBN.

Sa Thursday, sa birthday ni Kris, at hanggang Sun­day, birthday vacation niya at nabanggit na nitong sa Siargao siya pupunta kasama ang ilang staff ng Kris TV.

Sabi ni Kris na last teleserye na niya ang Kailangan Ko’y Ikaw para mag-concentrate sa hosting. May bagong show daw siyang gagawin, tama ang nababalitang ibabalik ang tandem nila ni Boy Abunda sa isang talk show.

Pero umaasa ang fans nitong magbabago pa ang isip ni Kris dahil may followers din naman siyang gusto siyang mapanood na umaarte.

Richard abala sa negosyo

Naalala naming nabanggit ni Richard Gutierrez na dadalawin niya sa Switzerland ang girlfriend niyang si Sarah Lahbati after ng premiere night ng My Lady Boss nila ni Marian Rivera. That time, ang alam ng aktor, Feb. 13 ang showing ng movie nila ni Marian at inisip siguro na makahahabol siya sa Valentine’s Day.

Kaso naurong ang showing ng movie at hindi pa alam ang exact playdate. Paano na kaya ang balak ng aktor na dalawin si Sarah?

Anyway, isa rin si Richard sa nababalitang aalis sa GMA Network ’pag nag-expire ang kontrata at “ting­nan natin” ang isinasagot ’pag tinatanong. Sabi sa inyo, wala nang matitirang talent ang network ’pag lahat nang nababalitang aalis ay totoong mawawala sa network.

Samantala, kundi busy sa showbiz, nakatuon ang pansin ni Richard sa Ultimate Fitness sa Metrowalk, Ortigas, Pasig. Mostly martial arts ang ino-offer nila, gaya ng Muay Thai, Jujitsu, at may boxing pa. Gaya sa Evolve Gym sa Singapore.

May dance studio rin sa Ultimate Fitness at si Ciara Sotto ang in charge na nagtuturo ng pole dancing. Partner sila ni Ciara sa dance studio lang, iba ang partner niya sa buong place.

Direk Ricky hindi marunong manigaw

Second time na maidirek ni Ricky Davao si Gloria Romero sa Forever dahil naging artista na niya ang veteran actress sa Makapiling Kang Muli. Hindi nagbabago ang tingin ni Direk Ricky kay Ms. Gloria.

Sabi nito: “It’s an honor to work with her. Ang saya niyang katrabaho, always a blessing and a wonderful experience because she’s professional. Wala siyang reklamo kahit anong ipagawa na kailangan sa karakter niyang si Lola Adora.”

Napapansin naman niyang kinikilig kahit ang staff niya ’pag eksena na nina Heart Evangelista at Geoff Eigenmann ang kanyang kinukunan. Kahit may real life partner, lutang pa rin ang chemistry ng dalawa.

Ipinagmamalaki ni Direk Ricky na wala siyang mood bilang direktor. Wala pa siyang nasigawan sa cast niya, may nasabihan lang ng “Ay tanga” at obvious na hindi mahal ng artistang ’yun ang trabaho at industry.