Bias ang ABS-CBN?

CEBU, Philippines - Vatski: Maayong adlaw, Geneva, ug sa tanang mga loyalista sa Banatanay! Kita lang sa rong adlawa kay unsaon ta man nag-birthday leave man si Garry Lao. Asa kaha to siya no? Anyway, unsa man ning ABS-CBN uy, mura’g official TV station naman sa mga Liberal Party candidates. Ang Maalaala Mo Kaya, bag-o lang nisalida sa life story ni Grace Poe nga usa sa mga senatoriables sa LP. Sunod kuno kay usa napud ka kandidato sa maong partido. Ug bag-o lang gi-feature pud nila si Cynthia Villar, another candidate nga ka-alyado pud sa LP, kay nag-tie up naman ang Nacionalista Party sa mga Villar ug ang LP. So mao na, naa pud si Cynthia sa station sa mga LP, ang ABS-CBN. Di nata mahibong kung ana ka-supportive ang mga Lopez sa Aquino administration kay syempre si Cory biya ang nitabang nila, katong presidente na siya, nga mabalik nila ang maong estasyon sa ilang mga kamot. Katong panahon gud sa Martial Law, gikuha man gud ni sa mga Marcos ang ABS-CBN. Utang kabubot-on gyud sa ABS sa mga Aquino ang nipagtingbabaw  ron, which is not ethical considering nga unta fair and impartial ang usa ka TV Network, sa binisaya pa, walay gidapigan.

Bogart: Halu Vatski! Kining Bogart man gud akong name kay dili baya ko taga Geneva Switzerland. Ahahaha...anyway, no big deal mana for me, okay raman na. Una sa tanan, wala pa may campaign period, karon pamang February 12. Ikaduha, duwa na sa mga campaign strategists. Lig-on lang gyud siguro og strategists kining mga tawhana kay nakalusot man sila sa mga lig-on nga shows sa ABS-CBN. Ikatulo, dili mana illegal, kay kun mao panay sitwasyon dapat nisulod na unta ang Comelec ana, gitawag na unta ang attention anang mga tawhana. Ikaupat, dili mana kay karon pa gihimo sa ABS-CBN, hagbay ramana, as in sa nanglabay pa nga mga piniliay. So makadiskarte lang. Dapat ang strategists sa ubang kandidato huwag tulog-tulog sa kangkungan. Ikalima, maybe interesting subjects pud ning mga tawhana kay magdepende sad baya na sa standard sa show kun maka kawhat ba siya og taas nga rating ug taw-awon ba pud sa mga tawo ang show. So we better wait for the ratings na lang next week kun unsay sultada.

Vatski: Ay ambot lang sad, Boggart, di gyud ko mosalig anang Comelec, nga daan na’ng niawhag sa katawhan nga motabang og report kung naay makit-an nga ni-violate sa Omnibus Election Code like kanang mga political banner o tarpaulin. Ug apil pud na’ng mga TV exposures for sure. Ang kapait lang kay wa man say mo-report, kay lagi, inutil ang Comelec, di sad dayun moaksyon. So kay kini man ang sitwasyon, unya kahibaw napud ang atong mga politiko niini, mga tiguwang na gud na sila, nagpahimos dayun! Ug lagi kay wala pa may campaign period, may i use dayun sila anang mga salida, political ad in the guise of real-life dramas. Atika ko, klaro kaayo nga pamuhunan ning ilaha. Ug ang  ABS-CBN, grab dayun sa oportunidad.  If I know, bilyones ang sabot niini. Gawas sa ginansiya, dako pud ni’g advantage sa maong estasyon kung makadaug na ning mga tawhana, kay syempre, kung naa kay gipaluyuhan nga mga dagkong tae sa election, payback time dayun inig makadaug na. Hahay aning atong political system, pwerte na kadunot. Akong hangyuon lang ang atong mga loyalista diri nga ayuhon intawon pagpili ang mga kandidato kay another 3 years napud nga pag-antos kung magpataka ta.

Bogart: Aw tinuod man o sa dili nga nagkumbuya ang ABS-CBN ug ang LP, television or media in general negosyo man gyud, so naka ginansya ang Kapamilya Network niini. Pero I don’t think that is being bias, abtikay ug utukay lang gyud nang ilaha, kay negosyo baya gyud ning media. For sure, giyak-an nana sa ilang legal department kun ugaling aduna nay mga legal consequences. On the other hand Vatski, i don’t think it’s the system Vatski, for me it’s the attitude and mindset of the voting public. Ako personally, dismayado kaayo ko sa mga botante sulod sa daghan nang katuigan, useless na atong pa-hero-hero ug sige og tagawtaw sa unsay maayo ug dili maayo. We are singing the same old song, mao raman gihapoy ending mga trapo ray manlugwa. So in reality wala tay laing mahimo but to pray for this country sanglit kita man gyuy mga lumulopyo niining nasura ug ingon ato pod nga iampo nga malamdagan ang botante nga dili mahaylo sa bisan unsa nga political maneuverings ug nga adlaw sa piniliay ang mga haom ug matinud-anon gyud nga binuhat maoy ilang pilion.

Pangutana: Unsay inyong reaksyon niining sunod-sunod nga paggawas sa mga kandidato nga kaalyado sa administrasyon diha sa nagkadaiyang shows sa ABS-CBN? Makiangon o dili? Ngano man? Ipabuhagay ang imong opinion pinaagi sa pag-text niini, kauban ang imong ngalan ug address ngadto sa: 0917-9047513. Hangtud karong 12 noon, February 11, lamang ang pagdawat nato sa inyong mga reaksyon. Go go go!