Zsa Zsa muntik sumablay sa kanta ni Whitney Houston

SEEN: Dumating kahapon sa bansa si Jessica Sanchez, apat na araw bago ang kanyang Valentine’s Day show sa Smart Araneta Coliseum.

SCENE: Ang “threesome” nina Pops Fernandez, Ogie Alcasid, at Regine Velasquez ang nag-promote kahapon sa Party Pilipinas ng kanilang Valentine concert na Foursome dahil nasa ASAP 18 si Martin Nievera. Ang GMA 7 ang media partner ng Foursome.

SEEN: Sa Feb. 12 ang red carpet premiere ng A Moment in Time sa Cine­ma 9 ng SM Megamall sa Mandaluyong City. Sina Coco Martin at Julia Montes ang mga bida sa Valentine’s day offering ng Star Cinema.

SCENE: Idinaan ni Zsa Zsa Padilla sa matamis na ngiti ang muntik nang sumablay na pagkanta niya kahapon sa ASAP 18 sa hit song ni Whitney Houston.

SEEN: Sintunado ang boses ni Jennylyn Mercado nang kantahin niya kahapon sa Party Pilipinas ang Kung Ako Na Lang Sana, ang kanta na pinasikat ni Bituin Escalante.

SCENE: Binati ni Cristine Reyes sa birthday celebration nito kahapon sa ASAP 18 ang mga pamangkin niya pero dedma siya sa kanyang ina at mga kapatid.

SEEN: Pare-pareho ang style pero iba-iba ang kulay ng mga bestida na isinusuot ni Sheryl Cruz.

SCENE: Season break ng Game ‘N Go ng TV5 kaya hindi ito napanood kahapon. Hindi tiyak kung kailan magbabalik sa ere ang Sunday noontime game show ng TV5.