Zumba and Firozian

Mao Na Ni All Over The World! Mga Sweet Ka Butanding! Pila nalang ka adlaw Valentine’s Day na. Sa katong adunay mga date anang adlawa, Congratulations! Sa mga wala’y date nga sama nako, ayaw mo og kaguol kay ang tanan dunay rason. Hahahahaha! rason gyud? Siguro dili pa oras nimo? Wala pa ang pikas sa imong tsinelas? Nakahinumdum uroy ko sa gisulti sa akong mentor sa una: “maging tama ka muna para sa tamang tao na darating!” O, di ba Hugyaw? Basin kinahanglan naa pa kay dapat nga mga sutaon sa imong kaugalingon? OMG! Am I talking to myself? Hahahaha! Puros ni flashback ang akong drama karun mga Sweet KaButanding kay naay nangutana nako nganong hangtud karun sa kadugay nga panahon nagpabilin kung single? Nitubag ko nga mahadlok ko nga mo- commit sa usa ka tawo (lalake ni ang gipasabot), hahahahha! Nitubag ang akong ka BisChika nga kinahanglan ba diay nga dapat committed ka? Na shock ko gamay ug nakahunahuna...bitaw sad noh? Pwes, mga Sweet Ka Butanding, pwede ta makig-date sa usa ka higala nga dili ka makahunahuna og gitawag nga Commitment. Enjoy ang mga higayon nga nagkuyog mo. Tama gyud ang akong ka BisChika it will make you feel good. And for that, I feel so good kay I’m out with someone nga duol sa akong kasingkasing. Pero kahibalo ba mo asa ko na committed karun? Sa Zumba dance!

Mga niaging episode sa BuenaMano Balita among gipakita ang gitawag nga Zumba Fitness, nga dunay sayaw ug aerobic elements. Sa tabang ni maam Emma Satchell nag-uros-uros ang akong kahinam nga mo go sa iyang class o session. Tuod man, sa walay pagduha duha ni attend ko sa unang session ni Mam Emma sa Castle Peak Hotel. Pag-abot pa lang nako nag-warm-up na sila. Gibutang nako og go with the flow dayun ang akong beauty. Pila ka figures pa lang gisingot na kaayo ko. Ni follow the leader mode lang gyud ko ug akong na achieve ang angay nako ma achieve mao ang pasingot to the next level. Halos ang akong t-shirt kay pwede na mapug-an sa kabasa.Feeling nako na stress ko. Mas na doble ang akong pagka stress free kay nagkita mi ni Ryan Mark(our editor), Sanden Anadia (in love?) Razel Cuizon sa dyRC(nga inlove usab ni?...kinsa siya?) Niapas ang mga taga TV5 nga silang Carla Mae Alejado (blooming ingon pa ni Ryan Mark,) Dennis Tanoc (nga in love sa akong feeling) sa Firozian Indian Tea House, dagko kaayo mi og bahakhak kay daghan usab mi nga na BisChikahan, na Aketch-Aketch ni Sandan, na OkRYAN ni Ryan Mark ug ni Carla ang Rampadora. Maghinaut mi nga bisan sa unsa namo ka busy duna kami oras nga magkatapok. Tungod kay naka Zumba ko atong adlawa nilafang usab ko  pero sigon pa ni Coach Ken ug Maam Emma, okey lang mokaon basta within two hours human ka nag exercise mokaon ka kay paspas pa ang imong metabolism. Sa mga gustong makigZumba kauban ako ug gitawag nako nga Tuesday and Thursday group pwede ninyo makontak si Maam Emma sa iyang numero 09173299605.

Dili usab ko maguol sa adlaw sa Gugma kay akong ka date si Heart Martha Deldig Calo kay birthday ni Heart. Love you always!