Melissa nararamdaman pa rin ang sakit na iniwan ni Jake

Noong Biyernes ay nakailang iyak si Melissa Ricks sa programang Kris TV nang mag-guest sila ng kasintahang si Paul Jake Castillo. Hindi mapigilan ni Melissa ang kanyang luha sa labis na kaligayahan sa relasyon nila ng binata. Hangad daw ng aktres na magtagal na ang pagmamahalan nila ni Paul Jake.

“Siyempre when I go into relationship I want it to last talaga. Hindi naman ako ’yung type na I will entertain someone just for the sake of entertaining them. After all that I’ve been through sobrang hulog ng langit.

“Ewan ko. I don’t know if people will understand where I’m coming from. Basta hindi ko akalain na there would be someone who would make me even happier ever than I could imagine,” emosyonal na pahayag ni Melissa.

“Hindi ko akalain na makakahanap ako ng tao na sobrang makapagpapasaya sa akin nang sobra-sobrang ini-expect ko. Kahit wala namang effort or anything, it comes naturally, napapasaya niya ako sa simpleng bagay,” pagpapatuloy ng aktres. Ayon naman kay Paul Jake ay nakikita niyang si Melissa na ang makakasama niya habang buhay.

Matatandaang naging kontrobersiyal ang hiwalayan noon nina Melissa at Jake Cuenca. Para sa dalaga ay naka-move on na siya sa dating kasintahan.

“I think hindi mawawala ’yung pain but to move on from someone, ’yung hindi mo na siya mahal, wala na talaga but ’yung pain it’s always going to be there,” makahulugang pahayag ni Melissa.

Masayang-masaya rin ang dalaga dahil malapit nang mag-isang taon ang relasyon nila ni Paul Jake.

Martin mahal pa rin si Pops, gustong makita na ang tamang lalaki

Nangangarap si Martin Nievera na matagpuan na ng dating asawang si Pops Fernandez ang lalaking makapagpapasaya rito.

“I want to see my ex-wife hook up with someone, even as friends. I want them to be qua­lity people. I mean if I had a say in it. I want quality people to be her friends, to court her, to be her next boyfriend. Whatever it is, I wish and I pray they’re quality people, good people, good souls, good intentions. They won’t use her. They won’t abuse her. They won’t forget her as often as I did during our marriage,” makahulugang pahayag ni Martin.

Ngayon ay mabuting magkaibigan ang Concert King at si Pops. Magkakaroon sila ng Valentine concert kasama ng mag-asawang sina Ogie Alcasid at Regine Velasquez.

“We’re getting close again. We’re laughing a lot, a lot better than it ever was. Pops and I didn’t start out as lo­vers that’s why we’re still friends now. Friendship ang foundation namin. We have been friends for so many years before we fell in love with each other. So I think that’s the reason why we are the way we are. The foundation of our love still exists,” paliwa­nag pa ng singer. Reports from JAMES C. CANTOS