Erich isip Grace
CEBU, Philippines - Si Erich Gonzales maoy mo-portray sa kinabuhi sa kanhi chairperson sa Movie and Television Review and Classification Board (MTRCB) nga si Grace Poe-Llamanzares sa umaabot nge episode sa drama anthology sa ABS-CBN nga "Maalaala Mo Kaya." Si Grace nagpa-pili pagka-senador alang sa umaabot nga May 2013 election.
Mrs. Snowhite dili madayon
Dili na madayon ang teleserye nga Mrs. Snowhite sa GMA 7 nga pagabidahan unta nila ni Jillian Ward, Raymart Santiago, ug Carla Abellana. Wala’y gihatag nga rason ang maong network kung nganong dili kini madayon.
Kris motikang sa Siargao
Sa Siargao magselebrar sa iyang 43rd birthday ang TV host nga si Kris Aquino karong Pebrero 14. Dalhon ni Kris ang pipila ka staff sa programang Kris TV aron ma-feature kini sa iyang programa.
Panaad ni Daiana
Dili na modawat og sexy endorsements o daring projects si Daiana Menezes sa higayon nga makasal na sila sa iyang uyab nga si Kongresista Benjo Benaldo. Gikatakdang kaslon ang duha sulod karong tuiga.
Nag-agad sa panahon
Gipadayag ni Gabby Concepcion nga nagpabilin gihapon siya interesado sa reunion movie nila sa iyang ex-wife nga si Sharon Cuneta: “Gagawin namin yun, panahon lang ang hinihintay natin,†hirit pa sa aktor.
Coco ni-surrender
Giangkon ni Coco Martin nga nabantayan niya nga gamay lang ang iyang tsansa hinungdan nga naputol ang pagpangulitawo niya niadto kang Erich Gonzales. Dili na mahimo nga makapanguyab pagbalik si Coco kang Erich sanglit aduna na’y uyab ang aktres.
Busy si mommy
Tsika pa ni Gladys Reyes nga nakapahuway na siya gamay sukad gitsugi ang morning show niya nga Nay-1-1 sa GMA-7. Matud pa ni Gladys, mabalanse na gyud niya ang iyang oras gumikan kay gawas sa paghatag niya og oras sa iyang pamilya, busy usab siya isip board member sa Movie and Television Review Classification Board (MTRCB). Nagpadayon usab ang programa niya sa Net 25.
Sophie nakulbaan na
Matud pa ni Sophie Albert nga nakulbaan na siya og maayo sa nagkaduol na nga pilot airing sa serye niya nga Never Say Goodbye sa TV 5 sunod buwan. Suma pa ni Sophie dinhi mahukman sa katawhan kung mahatagan ba niya og hustisya ang maayong break nga gihatag sa TV 5 kaniya.
Direktor nag-sorry
Nangayo og pasaylo si Direk Edgar "Bobot" Mortiz gumikan sa segment sa programang "Goin' Bulilit" nga matud pa gisaway nga "racist†ug nakainsulto sa Indian Community. Giingong adunay segment nga dunay music video nga gibase sa awit ni Rihanna nga Diamonds ug gihimo kini og “Diamonds ng Bombayâ€. "Marami akong mga Indian friends. Sa ngalan po ng 'Goin Bulilit' humihingi po ako ng paumanhin sa inyo. Next time po talagang pag-aaralan po namin kung makaka-offend kami,†nagkanayon ang direktor.
- Latest
