Matag usa kanato makasuwat sa kaugalingon natong kasaysayan

CEBU, Philippines - Ang panahon  mag-usab-usab, adunay   higayon   sa kinabuhi  nga bation nimo  ang kasakit, kasubo  ug  di masukod  nga kaguol, sama sa wala palandunga  nga  pagpanaw  sa 13 anyos  nakong  apo  nga lalaki, si Kyle Gullas  Weckman. Apan ang kinabuhi kinahanglang magpadayon.

Busa  gihimo  nakong  libang  ang  akong  kaugalingon  pinaagi  ning  maong hilig ug  kinaiya   nga  gipanaad  ko  sa akong  kaugalingon-   nga  motabang  sa mga kabus natong mga  igsoong  lalaki  ug babaye.

Ug palaran   ug  suwerte   kaayo  ako  nga nakabaton  sa suporta  sa nagmahal  ug nagpangga  kanako  nga akong  asawa, si Nena. Kaniadtong Decembre 2, gipahigayon namo  ang  among “Gratis et Amore”  nga kalihukan didto  sa Radisson Blu nga  maoy among bugtong paagi    sa paghatag  ug  pasalamat  ug  sumbalik hatag  ngadto  sa  akong  mga kahigalaan  kinsa nakapatandog  sa  akong kinabuhi sa makausa  ug  sa daghang  mga  higayon.

Nindot  kaayong paminawon  nga  makahatag  kita  og  dungog, pinaagi sa JRG  Halad Awards, ngadto  sa   bugtong  tawo nga nahimong  kasangkapan  sa  pagkanonisar  sa kaugalingon natong  Santos nga  Sugboanon, nga si San  Pedro Calungsod . Ang  Iyang  Kamahalan  Ricardo Cardinal ang Arsobispo Emeritus  sa Sugbo. Ang atong ikaduhang  awardee, mao ang atong sumbanan  sa   mga halandumong  sonata, ang  usa  ka lantip  ug  manggialamon nga manunuwat  og  kanta ug compositor  nga si Msgr. Rudy Villanueva. Ang ikatulo  nga  awardee  mao  si  Ms. Susan Fuentes,  ang Rayna  sa mga Binisaya  nga  Kanta  sa mga  tuig 1970.

Kun  ang  Santo Niño motugot  pa  kanako  sa pagbaktas  pa  sa unahan, ug  mobendisyon  sa  akong  panglawas  aron  mopadayon  sa akong panaw, unya  akong  isaad  sa akong kaugalingon  nga  magpadayon  sa pagpang-hatag,  motabang  ug  mobulig  kutob  sa akong mahimo alang  niadtong  gihikawan  sa  mga  pangina-hanglan  ning  kinabuhia.

Niining  umaabot  nga  Pebrero 1, usa ka  adlaw’ng Biyernes, si Nena  ug  ako  mopasiugda   sa usa ka  mass wedding    sa 38  ka  magtiayon  kinsa w ala  pa mabendisyoni  sa balaang  sakramento  sa kasal . Adto kini  ipahigayon  sa  St. Therese Parish   sa  Lahug, ug  mapasalamaton  kaayo  kami  kang  Msgr. Marnel Mejia sa  pagtugot  niyang  gamiton  ang  maong  lugar alang  sa maong kalihukan. Nagpasalamat  usab kami kang  Jonas Borces  ug  sa iyang  grupo  kinsa maoy moatiman sa  mga buhok  sa  mga magtiayon, maingon ang  uban pang  mga  pinangga  nga  mga  higala  kinsa miayuda  sa  pagpasul-ob  sa  mga  biste  sa kasal. Ang  ubang  mga  higala  mitanyag  usab  nga  motabang s a laing  mass wedding   sa sunod tuig,  ug  alang  kanila  mapasalamaton  kaayo  kami  sa  ilang  kaayo.

May ipahigayon  usab  nga  Confirmation rites sa kaugalingon natong estudyante  sa elementary  ug  high  school, maingon  man sa ubang  mga membro sa faculty  sa University  of  the Visayas.

Uban  sa mga bendisyon  ni  Senyor Santo Niño  ug San Pedro Calungsod, sa  mosunod  nga adlaw, Pebrero 2, 2013,  among ipahigayon   ang ika-tulo   nga   JRG Halad Pasalamat Free Medical and Non-Medical Services uban  sa abag   ni Leo Lastimosa sa  ABS-CBN, sa The Freeman ug  Banat News, ug  ang JRG Halad Foundation   adto  sa   Gullas Medical Center sa  Banilad, Mandaue City.

Akong  kanunay  nga  gidamgo, kanunay  nga  gipangandoy, nga sa matag  nahibiling  mga gutlo sa akong  kinabuhi, kung  itugot ni  Santo Niño, Mama Mary, ug San Pedro Calungsod, ako  kining  ihalad   sa pagtabang  niadtong  nanginahanglan . Unsay  Ilamdag sa Espiritu Santo kanako, ako  kining  gamiton   sa pagpadayon  sa akong  gimbuhaton  uban  ang makanunayong pag-ampo nga  dili  kini  matibhangan  sa unsa  mang  mga  hulga  nga  moabot  nga may grasya.