Sinorpresa sa drug testing, empleyado ni Pacman na positibo sa droga agad-agad sinibak, kongresista naiyak!

Iniyakan pala ni Congressman Manny Pacquiao ang pagkawala ng ilang tao na dating nakapaligid sa kanya.

May nagkuwento sa staff ng YES! Magazine na nagkaroon ng surprise drug testing sa staff member ni Papa Manny.

Dahil sa drug testing, nabuko ang mga staff member na gumagamit ng ipinagbabawal na gamot.

Masakit man sa kanyang kalooban, no choice si Papa Manny kundi alisin sa trabaho ang mga empleyado na guilty sa paggamit ng illegal drugs.

Napaluha si Papa Manny sa nangyari dahil napamahal na sa kanya ang mga empleyado niya pero mas kailangan na maturuan sila ng leksiyon.

Sikat na sikat na game show host noong dekada 70 na si Pepe Pimentel natagpuang patay sa banyo

Natagpuan kahapon na walang buhay sa loob ng kanyang bathroom ang former TV game show host na si Pepe Pimentel.

May mga hinala na inatake sa puso si Mang Pepe at may mga nagsasabi na nadulas siya sa banyo na naging dahilan ng kanyang pagkamatay.

Kahapon ang presscon ng Flawless para kay Jasmine Curtis-Smith sa isang restaurant na malapit sa bahay ni Mang Pepe sa Scout Tuazon, Quezon City.

Nadaanan ko pa ang mga pulis at ang mga miyembro ng media na nag-iimbestiga sa nangyari sa veteran TV host.

Nakilala si Mang Pepe dahil sa kanyang game show na sikat na sikat noong dekada 70, ang Kwarta o Kahon. Naging host din siya ng Student Canteen.

Jasmine Curtis-Smith namukadkad na

Parang debutante si Jasmine nang dumating siya kahapon sa presscon ng Flawless.

Baby pink gown ang outfit ni Jasmine na lalong nag-bloom ang beauty dahil sa mga treatment sa kanya ng Flawless.

Walang partikular na Flawless product na iniendorso ang young actress. Siya lang naman ang bagong mukha ng Flawless.

Sayang dahil may sakit ang Flawless big boss na si Ruby Coyiuto. Hindi niya nakita ang enthusiasm ni Jasmine habang ikinukuwento nito ang positive effect ng kanyang madalas na pagpunta sa Flawless.

Acually, biglang nagdalaga si Jasmine sa paningin ng entertainment press. Hindi pa siya debutante nang pumirma siya ng exclusive contract sa TV5. Eh 18 years old na ngayon si Jasmine kaya namukadkad na ang kanyang kagandahan.

Madalas na ikinukumpara si Jasmine sa kanyang elder sister na si Anne Curtis. Tanggap ni Jasmine ang comparison sa kanila ni Anne pero naniniwala siya na darating ang araw na makakawala siya sa anino ng kapatid.

Male singer sobrang apektado, nagtatatawag para ipabura ang mga blind item ng kanyang kalandian

Naloloka ang male singer kapag may mga blind item na lumalabas tungkol sa kanyang kabadingan.

Affected na affected ang singer dahil pinapatawagan niya sa kanyang mga kakilala ang nagsulat ng blind item para i-delete ito.

Naloloka ang friends ng male singer dahil sa pagpatol nito sa mga blind item. Parang inamin niya na siya nga ang subject ng blind item dahil sa kanyang violent reaction.

Likas ang kalandian ng male singer. Kung naging discreet siya sa mga party na pinupuntahan, hindi mapapansin ang kanyang kaba­dingan.