Gihugupan, Gikalingawan

Human sa iyang malampusong movie nga Sisterkas sa miaging MMFF 2012, nagmalampuson usab ang iyang pagbisita sa Sugbo alang sa iyang concert nga gipahigayun sa Pacific Grand Ballroom, Waterfront Hotel-Lahug sa miaging Biyernes. Sa kadaghang nag-atang sa iyang concert dinhi sa Sugbo dali ra gyud na-sold out ang tickets ilabi na ang labing barato nga tag P400, hinungdan nga maisip nga labihan kadako sa suporta sa mga Bisaya kaniya.

Nalangan og usa ka oras sa orihinal nga alas otso sa gabii nga schedule gumikan sa labihan ka baga sa mga fans nga nagpunsisok nga kinahanglan pa nga pasudlon ug mapahimutang.  May mga langyaw pud nga mihangop sa maong concert ni Vice.

Gumikan niini si Vice Ganda milenggua gyud dayon og, “as early as now, I would like to say thank you so much everybody for being here… maraming maraming salamat po. Isang malaking utang na loob sa daming tao pumunta ngayon na mas marami pa palang senior citizen, alam natin na medyo may kamahalan yung tickets ko pero andito parin kayo, salamat po talaga.”  Ang maong concert gisugdan nila ni Mac ug Lassy nga kauban ni Vice sa comedy bar kaniadto. Nisamot ang ka hugyaw dihang nag-uban na silang tulo sa stage. Grabe kalingaw sa mga tawo nga mismo ako nga nagtan-aw wala na kabantay sa kasakit sa akong bag-ang nga nagsige ra og katawa. Sa wa madugay gitawag si Ryan Bang, usa sa mga guest, grabe ka hataw niya nga gikanta ug gisayaw ang sikat kaayo nga Gangnam Style. Si Ryan Bang nipadayag nga usa sa iyang nauyonan sa pagbisita sa Sugbo mao ang puto with dinuguan.

Ang sunod nga guest ni Vice Ganda mao si Richard Yap known as Papa Chen ug Sir Chief nga dili lang ang mga batan-on, og  apil pud ang mga edaran, nakilig gyud, ilabi na dihang mikanta ug mipaduol na ang actor sa audience. Gani may mga lola nga grabe kalipay dihang nakita si Richard Yap.

Niining tungora wala palabya ni Vice Ganda ang kahigayonan para sa iyang gipauso nga “I-Dawn Zulueta mo ako.” Nagkuha kini og upat  ka mga babaye gikan sa audience. Wala gyud kapugngi sa mga babaye ang ilang  kahinam nga masinati nila ang  “I-Dawn Zulueta” ni  Yap. Si Yap nga usa ka Sugbuanon, misugid sa iyang kasadya. “Hindi ko ini-expect na ganito karami ang nandirito ngayon. I know how hard it is to please the Cebuanos, isa na ako sa mga iyon.”   Usa pa gyud nga gi-atngan sa mga tawo mao ang paggawas ni Coco Martin, nga gibitin gyud ni Vice sa pagtawag. Ang mga tawo nagpunay og sampit sa ngalan. “Coco!Coco!Coco!” sa dihang nigawas na ang  actor mas ni-doble ang kahugyaw sa mga tawo nga sagad nagsyagitay sa ka kilig ug kalipay. Nisamot sa dihang nikanaog na kini sa stage, ang mga tawo nag-iyahay na lamang og patong sa ilang mga lingkuranan aron makakuha og hulagway sa ambungan nga actor.

Nahuman ang maong concert, mga alas 12 pasado na sa tungang gabii. Ako nga usa sa mga mitambong natagbbaw sa mga pasiaw sa maong komedyante. It was fun!fun!fun! Vice Ganda….Ikaw na gyud! Viva Pit Senyor kanimo! (Hinatag nga mga hulagway ni Ricky Monterona sa www.eyeronickphotography.com)