Viva Pit Senyor!

Mao Na Ni All Over The World mga Ka Tribung BisChikadora! Viva Pit Senyor! Dako kaayong selebrasyon karung adlawa sa Queen City of the South...Cebu. Karung adlawa usab inyong masaksihan ang tibuok puwersa sa inyong Kapuso Network para sa Sinulog Live Coverage.

Usa sa mga gipangayo nako ni Senyor Santo Niño nga maayo ang among lawas ug dili ko mapagaw kay duha ka adlaw ang among Kapuso Mall Shows nga gitambungan sa mga dagkong Kapuso Stars sa GMA7 nga gilangkuban sa casts sa Temptation of Wife, Pahiram ng Sandali ug Indio. O di ba? Bongga-Hugyaw!

Halos tanang mga Bisdak andam na makig Pit Senyor! Dili usab paulahi ang inyong Kapuso Network kay dunay giandam nga bongga- bongga nga float para kanatong tanan kay ang mga stars sa “Indio” ang sakay niini, anaa si Rhian Ramos ug Bong Revilla sa buntag, pagkahapon kay si Alden Richards ug Ehra Madrigal na pud ang sakay ug daghan pang mga surpresa! Busa kung kamo mugawas sa inyong mga panimalay karun ania ang pipila ka BisChika pahimangno gikan sa inyong Yur’s truly:

1. Ayaw kamo og kalimot paglock og tarung sa mga pultahan kay basin ang mga abtik nga Lupin (kawatan) magpiyesta sa inyong mga butang.

2. Siguroha ang mga nakasaksak nga mga appliances dapat maibot sa dili pa makalakaw para layo sa sunog.

3. Pagdala og mga panagang sa init, pagdala og payong, kalo, extra nga sanina kay basin maligo ka sa imong kaugalingong singot.

4. Sa mga wais nato nga mga nanay maayo gyud nga magdala mo og kaugalingon ninyo nga pagkaon, tubig ug uban pa para menos gastos. Ayaw mo kauwaw mangaon sa daplin kay uso na basta Sinulog.

5. Kung magbitbit ka sa imong mga personal belongings sama sa cellphone, pitaka, kwarta ug alahas, ibutang kini sa bag ug maayo imo kining gakson. Murag uyab! Malingaw na gani ka sa imong mga nakita, si Lupin nalingaw na pud og kuot.

Maayo ibilin nalang sa balay ang alahas ug pagdala lang og saktong kwarta nga imong magastos.

6. Sa mga nanay, gipauso na sa GMA kung magbitbit mo sa inyong mga chikiting, pasul-uba og name tag, nakasuwat sa name tag ang pangalan sa bata, edad, address ug contact number ninyo para matawagan dayon mo.

7. Sa mga dili makalakaw ug gusto nga naa lang sa balay maayo nga nakatutok mo sa Special Coverage sa GMA7 kay sigurado gyud nga updated mo sa mga panghitabo sa Sinulog Festival.

Viva Pit Senyor! Daghang Salamat Senyor Santo Niño sa kaayo mo!

Ayaw sipyata ang pagbalik sa inyong paboritong programa matag Domingo, nagpakita sa kanindot sa Pilipinas ang Let’s Fiesta 8:30 sa buntag!