Sharon nilayasan ang mga intriga sa TV5

Marami ang nagtaka kung bakit wala si Sharon Cuneta sa trade launch ng TV5. Isang video clip lamang ang nagpatunay na isa pa rin siyang Kapatid sa kabila ng mga balita na diskuntento siya sa patakbo ng Singko sa kanyang career matapos kanselahin ang programa niya.

Hintayin na lang natin ang pagbabalik ni Mega dahil nasa abroad ito para sa ilang pagtatanghal. 

Ryzza Mae may problema pa rin sa bibilhing kotse

Kakatuwa naman itong si Ryzza Mae Dizon. Marami ang namomroblema kung paano magkaka-kotse pero siya ang problema ay kung saan ipa-park ang kotse niya sakali mang bumili sila dahil talagang necessity na ito sa kanya ngayong marami na siyang tinatanggap na trabaho. Nakatira ang pamilya ni Ryzza sa isang lugar na talaga namang walang espasyo para pagparkingan ng sasakyan. Tsk. Tsk. Tsk.

Nielsen kailangang magpaliwanag

Kapani-paniwala ba ang claim ng TV5 na naungusan na nila ang GMA sa maraming probinsiya? Na mas marami nang nanonood sa kanila kaysa sa Kapuso Network. Malaking claim ito na ewan ko lang kung papatulan ng aming network since, wala namang pasubali kung aling network ang namamayani nga­yon. At problema ng Nielsen na patunayan ito at hindi ng GMA.