Ms. Earth-Air 2012 morampa sa Sinulog grand parade 2013

CEBU, Philippines - Dungan sa pag-anunsyo sa batan-ong CEO sa Psalmstre Enterprises nga si Jim Acosta nga si Ms. Earth-Air (first runner-up) 2012 ug Ms. Philippines-Earth 2012 Stephany Stefanowitz na ang bag-ong endorser sa New Placenta, gipahibalo usab niini ang pag-apil sa beauty queen sa Sinulog float parade karong Enero 20. Dili hikawan ni Stephany ang iyang mga fans nga mohimamat niya atol sa kasaulogan sa Mother of All Festivals, ang Sinulog. Excited usab ang Cebuano designer nga si Edwin Alba nga mupasuot sa iyang pink inspired gown para sa bag-ong endorser sa Psalmstre. 

Isip New Face of New Placenta, himuon ni Stephany ang usa ka nationwide tour aron paghimamat sa iyang mga fans ug lakip na usab ang pag-promote sa maong produkto. Gidasig ang tanan sa pag-atang sa Pinoy-pride-beauty queen niining mga lugar ug petsa: January 19, Villasis Town Fiesta, Pangasinan; January 20, Sinulog Festival, Cebu; ug February 24, Panagbenga Festival, Baguio City.

Ang New Placenta usa ka kasaligan ug nabantog nang anti-ageing nga sabon sa Psalmstre Enterprises Inc., nga espesyal nga gihimo alang sa pagpaputi ug pagpabata sa pamanit sa mga Pinoy. Lakip sa New Placenta beauty products mao ang New Placenta soap, toner, day and night creams, ug lotion.

Gilauman nga hingusgan sa bag-ong endorser nga mas modaghan pa ang mogamit sa New Placenta aron mabatonan sa mga Pilipino ang gitawag og “kutis beauty queen.”