Mitingog na gyud

CEBU, Philippines - Ang kampo sa aktres nga si Claudine Barreto pinaagi sa iyang abogado nga si Atty. Alex Avisado mipadayag nga imposible kaayo ang tsika nga matud pa nangasaba na pud ang aktres og mga empleyado sa usa ka tambalanan didto sa kaulohan.

Magpakasal og balik

Gikumpirmar sa magtiayong  Richard Gomez ug Lucy Torres nga duna sila’y  renewal of vows alang sa ilang 15th wedding anniversary karong Abril 28.  Ipahigayon ang maong seremonya didto sa Ormoc.

Greta mosuporta sa pag-umangkon

Gipadayag ni  Gretchen Barretto nga mohatag siya og todo suporta ngadto sa iyang pag-umangkon nga si Julia kinsa mipadayag nga andam na kini mobalik sa showbiz. Una na hinuon nga gipadayag ni Julia nga ibalanse niya ang showbiz ug ang iyang pagtungha.

BB magpa-sex change

Bag-ohay lang naabot si  BB Gandanghari gikan sa  New York. Suma pa ni  BB nga iyaha na  nga giproseso ang  desisyon niya nga magpa-sex change. Dugang pa niya nga dili diay sayon ang paghimo niini.

Breastfeeding

Breastfeeding ang gihimo karon ni  Amy Perez alang sa iyang bata nga bag-ong gipanganak nga si Isaiah Joaquin. Dako ang pagtoo ni Amy nga maayo ang epekto niini ngadto sa iyang anak. 

Jake mihimakak sa nude photo

Gihimakak ni  Jake Cuenca nga matud pa duna siya’y mga hubo nga hulagway sa internet.  Giingong dunay hubo karon nga hulagway sa internet nga susama niya og nawong apan suma pa sa aktor nga klaro kaayo nga dili siya ang maong lalaki gumikan kay dili sila susama og abs niini.

Baron nag-sorry kang Divine

Nangayo na karon og pasaylo si  Baron Geisler ngadto sa laing TV 5 Talent nga si Divine Lee. Kahinumduman nga ni-attempt si Baron og hawok sa lips ni Divine atol sa party sa mga TV 5 stars sa miaging buwan.  Suma pa ni Baron nga mipadala na siya og text message ni Divine sa miaging adlaw.

Vice nahigugma ni Jhong

Giangkon ni  Vice Ganda nga na-develop siya kaniadto  sa kauban niya sa It’s Showtime nga si Jhong Hilario. Suma pa ni Vice nga gitambagan siya sa direktor nila sa maong show nga dili ipadayon ang gibati niya kang Jhong aron dili maapektohan ang panag-uban nila sa nahisgutang noontime show.

Gibarogan ni Kris

Gibarogan karon sa TV-host actress nga si Kris Aquino nga sakto ang iyang gipang-tweet nga figure sa kita sa pelikula niya nga  "Sisterakas" . Gipadayag kini sa TV host human dunay mga migawas nga akusasyon nga dunay ubang mga producer nga mipaburot sa figure sa kita sa pelikula aron linyahan kini sa mga tawo.

Richard ug Dawn subling mag-uban

Malipayon karon sila si  Richard Gomez ug Dawn Zulueta gumikan kay padayon gihapon nga gihangop sa publiko ang ilang team-up bisan pa man nga nahuman na ang Walang Hanggan. Mapahiyomong gipahibalo sa duha nga subli sila nga mag-uban pinaagi sa usa ka movie project busa seguradong magmaya ang mga tawo nga nabitin sa ilang panagpares kaniadto.