33rd Cebu Pop

CEBU, Philippines - Andam na ang tanan alang sa umaabot nga 33rd Cebu Pop Music Festival diin ang Grand Finals  ipahigayon diha sa Cebu Coliseum karong umaabot  January 18, 2013. Ang Cebu Pop tinuig nga kalihukan nga halad ni First District Representative Eduardo Gullas ngadto sa Balaang Bata nga si Senor Sto. Niño ug sa samang higayon agig pagpalambo usab sa Sugbuanong talento ug musika. Sama sa naandan 12 na pud ka mga komposisyon ang magtigi, nga puros mga orihinal nga mugna.

Adtong, Enero 3, atong gisugdan ang pagsinati niining maong mga entries, diin inyo na nga nabasa ang lyrics sa mga awit nga O Sweldo ug Amomahon Ka. Karon ania ang ikatulong finalist:

Usa ka libo ug, usa ka panamilit

Music by Jude Gitamondoc

Lyrics by Cindy Velasquez and Jude Gitamondoc

Arranged by Jad Bantug

Performed by Cattski Espina

Diri sa ‘kong baybayon

Gihandom ko ikaw

Bisan sa ‘tong gilay-on

Nabati ko ang imong pagtuwaw

Ngano kaha pagkasayon

Bawion ang panumpa nga

Di ka higugmaon...

Usa ka libo ug usa ka panamilit

Usa ka libo ug usa ka panghupaw

Usa ka libo ug usa ka mga awit

Wala na’y lain pa, ikaw da ug ikaw...

Ako na’ng gipa-anod

Ang mga damgo ko

Gitugyan sa panganod

Ang mga pangandoy

Nga nagkalayo

Ngano kaha pagkalisud

Gibuhat ko na ang tanan

Alang sa gugma mo...

Usa ka libo ug usa ka panamilit

Usa ka libo ug usa ka panghupaw

Usa ka libo ug usa ka mga awit

Wala na’y lain pa, ikaw da ug ikaw...

Nagbalikbalik sama sa balod

Makab-ot lang ang imong lapyahan

Pangahasan ko’ng lawod

Nga latason...

Usa ka libo ug usa ka panamilit

Unta makuha ko na gyud ang paglakaw...