Para sa ‘Yo

CEBU, Philippines - Nag-ulohan og  Para sa ‘Yo ang Laban na ‘To ang bag-ong  public service show ni Congressman Manny Pacquiao sa GMA 7 nga sugdan na sulod karong buwana.

Heart-Geoffrey tandem

Magpares sila si Heart Evangelista ug Geoffrey Eigenmann sa umaabot nga serye sa GMA-7 nga Forever ug ubos kini sa direksyon ni Ricky Davao.

Bag-ong inspirasyon ni Camille?

Mitumaw na karon ang pangalan sa giingong sakop sa Philippine Volcanoes nga na-link kang Camille Prats ug kini ginganlan og Kenneth Sterm apan padayon gihapon nga nagpakahilom ang aktres kalabot niini. 

Pa-relax sa Hongkong

Nagpahayahay ang mag-uyab nga sila si  Zanjoe Marudo ug Bea Alonzo didto  sa Kowloon, Hong Kong ug gitataw sa duha nga panahon na usab nga mogahin sila og igong oras sa ilang relasyon bisan pa man sa ka-busy sa ilang mga career.

OMB alerto

Alerto  karon ang  Optical Media Board o OMB nga gipangulohan ni  Chairman Ronnie Rickets sa pagukod sa mga pirata nga giingong namaligya na og DVD copy sa mga salida nga nisalmot sa Metro Manila Film Festival.

Janine nakahilak

Dili malikayan ni Janine Tugonon nga mahimong emosyonal sa higayon nga makadungog siya og negatibong komento batok sa iyang uyab nga si Jaypee Santos.

Bong pabataon  ang dagway

Sila si Rhian Ramos, Maxene Magalona ug Jennylyn Mercado maoy leading ladies ni  Sen. Bong Revilla sa epic serye sa GMA-7 nga Indio ug matud pa nga gipaneguro sa production staff sa maong serye nga bata lantawon si Bong aron mohaom kini sa mga pares niini.

Aifa nanambok

Dili pa matino  ni  Aifa Medina  kung kanus-a siya makabalik sa Sexbomb gumikan kay nanambok pa siya og maayo karon human niya gihimugso ang iyang himsog nga baby girl.

Enchanted Garden gipasidunggan

Gipasidunggan sa Department of Environment and Natural Resources (DENR) pinaagi sa Gawad Muyong award ang programang  Enchanted Garden sa TV5 gumikan kay gipakita gyud niini ang pag-atiman sa kalikupan.

Yasmien aduna na’y anak

Aduna na diay bana ug  anak ang produkto sa  StarStruck nga si  Yasmien Kurdi. Gikasal na si Yasmien sa flight attendant nga si  Rey pinaagi sa  civil ceremony niadtong  January 2012. Suma pa sa report sa PEP nga  gihimugso sa aktres ang iyang  baby girl niadtong November 2012.  Katapusan nga nalantawan si  Yasmien sa epic-serye sa GMA-7 nga Amaya. (Sanden J. Anadia)

Rain gipaubos sa imbestigasyon

Gikatahong gipaubos karon sa imbestigasyon sa mga dagkong opisyales sa military didto sa South Korea  ang sikat nga Korean actor nga si  Rain gumikan kay gigamit niya ang uban oras sa iyang military service  sa pakig-date sa iyang uyab nga si Kim Tae Hee. Niulbo ang maong taho human giangkon sa duha ang ilang relasyon dili pa lang dugay.

Mariel: Dili ko magselos

Gihimakak ni   Mariel Rodriguez ang report nga matud pa nga iyang giselosan si  Kris Aquino kinsa maoy partner sa iyang bana nga si Robin Padilla sa  upcoming series  sa ABS-CBN nga "Kailangan Ko'y Ikaw." Suma pa ni Mariel nga dako siya og salig kang Kris busa wala siya mabalaka sa  nahisgutang serye sa ABS-CBN. Ang   "Kailangan Ko'y Ikaw” magsugod na sulod karong buwana ug todo na nga promosyon ang gibuhat sa Dos alang sa maong serye. "Congratulations I think it's going to be the best show. Really, really excited for you guys," mensahe pa ni Mariel ngadto nila ni Robin ug Kris.