‘Isang masagana at malusog na pangangatawan sa ating lahat sa 2013’
Manigong Bagong Taon sa lahat! Isang masagana na 2013 at malusog na pangangatawan ang dasal at hiling ko para sa lahat.
Gumanda rin sana ang takbo ng pamumuhay ng mga Pinoy dahil gaya ni Senator Juan Ponce Enrile, gusto ko happy ka!
Madir ng child actress na nambintang ng pangungupit sa talent manager, nautog na!
Sumuko na rin pala ang madir ng isang young actress sa manager ng kanyang anak. Na-realize ng madir na walang basehan ang mga bintang niya sa manager kaya nakipagkasundo na siya.
Dapat magpasalamat ang madir dahil mabait ang manager ng kanyang anak. Hindi nagtanong o nanumbat ang manager sa mga paninira sa kanya ng stage mother.
Pinatawad na lang niya ang mga kagagahan ng madir ng young actress na mahilig makinig sa mga sulsol.
Kissing photo nina Luis at Jennylyn pinag-interesan
Nakahanap ang PSN ng kissing picture nina Jennylyn Mercado at Luis Manzano.
Nagtatanong kasi ang dear readers ng PSN na gustong makita ang picture ng dalawa na hindi naman kontrobersiyal dahil may relasyon sila at cute naman ang kissing photo nila.
LT nag-Pasko sa puntod ni Rudy
Hindi nakakalimot dumalaw si Lorna Tolentino at ang kanyang dalawang anak sa puntod ni Rudy Fernandez sa Heritage Park.
Noong Pasko, nadatnan ng mga dumalaw sa libingan ni Daboy ang fresh flowers mula sa kanyang pamilya.
Physically absent man si Daboy, buhay na buhay siya sa alala ng kanyang pamilya at mga kaibigan.
AiAi ayaw maniwala sa negang hula
Nagbakasyon sa Bataan si AiAi delas Alas at ang kanyang mga anak, pagkatapos ng Pasko.
Maligayang-maligaya si AiAi dahil umuwi mula sa Amerika ang kanyang anak na si Nicolo kaya kumpleto ang pamilya niya. Si Nicolo ang second son ni Ai-Ai na pangarap na pumasok sa US Air Force at mukhang matutupad ang kanyang ambisyon.
Kasama rin sa Bataan vacation ni Ai-Ai ang boyfriend na si Jed Salang. Hindi naniniwala si Ai-Ai sa mga hula na hanggang dalawang taon lang ang itatagal ng relasyon nila ni Jed dahil ito raw ang kanyang destiny. Hindi dapat paniwalaan ang mga hula kung nega ito. Maniwala lang kayo sa mga positive na hula!
Regine memoryado na ang mga gagawin sa Rewind!
Sa darating na Sabado na ang Silver Rewind, ang repeat ng anniversary concert ni Regine Velasquez sa The Arena.
Dumating kagabi ang pamilya ni Regine mula sa Australia at sa kanyang pagbabalik, ang rehearsal para sa concert ang haharapin niya.
Isang rehearsal na lang ang kailangan dahil memoryado na ni Regine ang lyrics ng kanyang mga kakantahin, pati na ang stage blocking.
Nag-promise si Regine na babawi siya sa Silver Rewind at hindi na mauulit ang nangyari noong November 16.
- Latest
