Paghatag bawos..Paghatag pasalamat ang JRG Halad 2012

CEBU, Philippines - Ang  Jose R. Gullas Halad 2012 sa miaging Domingo , December 2, 2012  sa  Radisson Blu Hotel usa ka  gabii  nga  paghatag  og  bawos ug  paghatag pasalamat ngadto  sa mahinungdanong  mga tawo kinsa nakatandog  sa akong kinabuhi, sa mga  higayon  sa akong  kamaya  ug  kalipay, sa kasakit  ug  kaguol ilabi na  sa dili pa dugay  nga  pagtaliwan sa akong 13 anyos nga apo nga lalaki, si Kayle Julian Gullas-Weckman

Usa  kadto  ka gabii   nga  nakapahinumdom kanako  sa makausa  pa  sa tibuok  nakong  kinabuhi  nga  nasaksihan  nako  ang Canonisasyon  sa atong  kaugalingong  Sugboanong santos, si San Pedro Calungsod. Tukma usab  kaayo  nga  ang JRG Halad 2012 Award  unang  gitunol ngadto sa Iyang Eminence. Ricardo Cardinal Vidal   kay  kun  wala pa ang  iyang  paningkamot , pailob  ug  pag-antos sa Iyang Eminence wala  kita  karoy  Sugboanon  nga santos, ning  kinabuhia. Nagpakasakit  siya ug  mitandog sa mga mahinungdanong tawo sa Vatican. Kini  tungod  sa giya  sa Espiritu Santo. Ang nahisulat  sa tropiyo nga nag-ingon”Every Cebuano,  every Filipino worth his salt should be eternally grateful to you, Your Eminence” couldn’t be more apt.

Ang ikaduhang  JRG Halad Awardee sa 2012 gitunol alang  sa usa ka utokan nga  composer, usa ka lantip sa musika ug maalamon  nga  manunulat, si Msgr. Rodulfo “Rudy” Villanueva kinsa  miingon  nga  “the UV Chorale is in itself a miracle of San Pedro Calungsod”. Ang ika-tulong  award alang  kang  Ms Susan Fuentes, kinsa  sa  mga tuig  80 ug 90 mihimong  popular o inila   sa  daghan uyamot nga  mga  Sugboanong awit  nga  nakapatandog sa daghang  mga kasingkasing

Sa samang  higayon  natandog  kaayo ako sa mensahe sa  Iyang  Excellency Archbishop Jose Palma kansang  mga  pulong nakapahinuklog  kanako  nga  nagpasabot  bahin  sa kaugmaon  sa UV Chorale. Mao  kana  ang  kanunay  nakong  giampo  ug  nakaingon  ako  nga ako  na  nga  nakita nga  sa umaabot  nga  mga  adlaw  makabaton na  usab  kita  og  lain  pang  Cardinal  sa atong  nasud.

Usa  kadto ka kagabhion  sa dakong kalihokan, usa  ka  kasaulogan  sa kinabuhi, sa akong  inahan, Inday Pining  ilabi  na  sa dihang  ang  Iyang Eminence mihanduraw giunsa  pagtandog ni Mama Pining ang  iyang  kinabuhi sa  dihang  miabot siya  sa Cebu isip usa  ka   Parish Priest  sa Cebu Metropolitan Cathedral. Dugang  niini, si Msgr. Rudy sa  iyang  pagpamulong mihisgot  usab nga  si Mama Pining nahimong  kasangkapan sa  iyang  kurso  sa  pagkahimong  pari.

Sa katapusan  sa tibuok  adlaw, akong  nahinumdoman  ang  dakong  kantidad  nga akong  nagasto sa  pagpadala  sa UV Chorale  ngadto  sa Vatican. Dili  ko makalimtan  sa dihang  among  gidala  ang  grupo alang  sa usa  ka  bangga   ngadto  sa  Busan, South  Korea, akong  nasuta ang  mga luha  ug katawa  sa  mga  nanan-aw  ug  misaksi  nga  mga Koreano     ilabi  na  dihang  kami  midaog , unya  sa dihang  gidapit  ang Chorale aron patambongon  sa  World Youth Day sa  Sydney, Australia; giunsa  sila  paghangyo nga  papasundayagon  sa  college of Cardinals and Bishops sa tibuok kalibotan , ang  bugtong   Chorale group nga  gihangyo  sa ingon ug giunsa  nila pagdani ang  mga kasingkasing sa mga nanan-aw, ug didto  ako  nakaingon, nakapatandog  ako  sa kasingkasing  sa  mga  mananan-aw sa gawas  sa nasud pinaagi  sa ilang  tingog  nganong  dili man  ko mangharana  sa kaugalingon nakong taga Visayas ,  nga  gihimo  gayud  namo.  Akong nahinumdoman  ang napatik  sa akong  kasingkasing  nga  mga ngalan  sa  mga  tawo nga nahimong  instrumento  sa  pagtigom  namo  og  igong kantidad  alang  sa biyahe  sa UV  Chorale  ngadto  sa Uropa.

Ako  nakaingon  nga  gumikan  sa tabang  sa atong  minahal  nga    Sr. Sto. Niño, Mama Mary and San Pedro Calungsod,  ang  murag  imposibli nahimong  posibli. Mipabiyahe  dili lamang 10  kundi 30 ka tawo paingon  ngadto  sa Uropa  usa ka tulokibon ug dili matugkad . Sama  ra  nga dili  lamang gipadala  ang  tingog  sa Sugboanong  mang-aawit  ngadto  sa Roma  kundili  sa tibuok kalibotan ug  ang Chorale  miawit  gikan  sa ilang  kasingkasing alang  sa unang Sugboanong  Santos, si San Pedro Calungsod Tataw  kaayo nga  nakadalit  kini  og grabing  kalipay  ug  sa nagkalainlaing kalamposan kanako  ug  sa akong  asawa, si Nena.