Boyfriend na umeepal, pinagtanggol ni Janine!

SEEN : Ang simultaneous screening kagabi ng Sosy Problems ng GMA Films at Shake, Rattle and Roll Fourteen, The Invasion ng Regal Entertainment Inc. sa  SM Megamall Cinema. 

Official entries sa 38th Metro Manila Film Festival ang Sosy Problems at  Shake, Rattle and Roll Fourteen, The Invasion.

SCENE : May cameo appearance si Dra. Vicki Belo sa Sosy Problems. Unang nag-extra si Dra. Belo sa Gamitan, ang 2002 movie ng kanyang direktor na anak na si Quark Henares.

SEEN :  Ang mga bintang na mahilig sa publicity ang boyfriend ni Janine Tugonon na si JP Santos dahil panay ang pagpapa-interview niya at agad nag-comment nang tanghalin na 1st runner-up sa Miss Universe ang kanyang girlfriend.

Pero maagap si Janine at agad niyang ipinagtanggol ang karelasyon. “Tama na ‘yung pagiging negative please. Kasi ako ‘yung naaapektuhan, hindi siya. Siya, chill-chill lang.”

SCENE : Sumalubong  si JP Santos  kay Janine Tugonon sa Centennial Terminal 2 nang duma­ting kahapon mula sa Las Vegas ang Pinay beauty queen. Pinag-uusapan ang pahayag ni JP na “Kung puwede nga lang na ako ang sumali ( sa Miss Universe ), ginawa ko na.”

SEEN :  Hindi nakilala si Ellen Adarna sa brief appearance niya sa Si Agimat, Si Enteng Kabisote at Si Ako dahil hindi siya naglagay ng make up sa mukha. Ordinaryong-ordinaryo ang itsura ni Ellen.

SCENE : Bangka ng mga Badjao ang float design ng Thy Womb, ang pelikula ni Nora Aunor na kasali sa 38th Metro Manila Film Festival. Concept ng Thy Womb director na si Dante Mendoza ang float design. Dating production designer si Dante.

SEEN : Lumampas na sa 1 billion hits ang Youtube video ng Oppa Gangnam Style ni Psy pero hindi nagunaw ang mundo. Nasira ang kredibilidad ng tao na nag-ugnay sa kanta ni Psy sa hula ni Nostradamus.

SCENE : Pinagbigyan ng GMA Films ang request ni Andoy Ranay na tanggalin ang pangalan nito bilang direktor ng Sosy Problems.

Si Andoy ang itinuturo na dahilan kaya muntik nang hindi umabot sa deadline ng MMFF ang Sosy Problems.