Misa de Gallo sa Guadalupe 2012

CEBU, Philippines -  Nagpadayon gihapon ang drama presentation sa Archdiocesan Shrine Our Lady of Guadalupe Parish matag-kadlawon sa dili pa sugdan ang Misa de Gallo. Hangtud na kini  sa Disyembre 24 kung  nagkalain-lain nga istorya ang masaksihan sa mga parokyano sa Guadalupe nga makuhaan og bulawanong mga pagtulun-an. Ang mga magdudula sa inadlaw’ng drama puros mga sakop sa Parish Youth Coordinating Council (PYCC- Guadalupe) , mga batan-on nga naggikan sa Pardo ug Argao ug ubos kini sa direksyon sa banggiitang personalidad sa dySS Super Radyo Aljin Abaquita. Nagkanayon si  Msgr. Jose Montecillo,  ang kora paroko sa maong parokya nga gituyo ang pag-umol sa maong drama presentation aron mapaabot ngadto sa mga tawo ang maayong mga pagtulun-an   nga kapanaminan sa tanan. Sa di pa sugdan ang drama ug misa, buksan kini pinaagi sa novena nga sundan usab sa Bible discussion ni Talisay City Mayor Socrates Fernandez ug ang makatandog nga mga awit ni Cerge Michael.