Olivia Culpo “The Cellist Nerd”

CEBU, Philippines - Ang 20-anyos nga si Olivia, nakoronahan isip Miss USA adtong June 3, 2012, didto mismo sa Planet Hollywood Resort & Casino sa Las Vegas, Nevada, diin siya giproklama nga 2012 Miss Universe kagahapon. Si Culpo nga usa ka cellist, ang labing unang kandidata gikan sa Cranston, nga Miss Rhode Island.

Tunga-tunga siya sa lima ka managsuon, misalmot sa Miss Rhode Island USA nga kinalit-kalit. Apan gumikan sa iyang determinasyon ug paghigugma sa entablado, midaog siya nga  nagsul-ob og $20 “Rent The Runway” dress mubo ra para niya ug may gisi pa sa likod. Apan daw nabadlis na gyud sa kapalaran ni Culpo ang tanan gumikan kay siya maoy mibidlisiw didto sa Las Vegas, pinaagi sa paghugyaw sa mga hurado sul-ob ang usa ka Sherri Hill dress samtang mitubag sa twitter question kabahin sa mga transgender contestants.

Ang mga ginikanan ni Olivia puros professional musicians busa dayag nga nagdako siya sa usa ka pamilya nga mahigugmaon gayud sa musika. Nagsugod siya pagkat-on og cello niadtong second grader pa lamang siya hangtud nga nahisakop na siya sa Rhode Island Philharmonic Youth Orchestra, RI Philharmonic Chamber Ensemble, Bay View Orchestra ug Rhode Island All-State Orchestra. Nakaangkon pud si Olivia og luna sa Boston Symphony Hall, Boston; Carnegie Hall, New York City; ug milibot pud siya sa England adtong 2010 diin gipaambitan niya ang iyang musika. Niining bag-o lang, mipasundayag usab siya kauban ang Boston Accompanietta.

Si Olivia nga mihulagway sa iyang kaugalingon isip “cellist nerd,” mitapos sa high shool isip honor student ug nahisakop sa National Honor Society adtong 2010 gikan sa St. Mary Academy Bay View. Sukad sa high school nahigugma pag-ayo si Olivia sa Italian language ug mao kini ang mibukas og kahigayonan niya aron mukuha og duha ka foreign language programs didto sa Milano, Italy. Isip sophomore sa Boston University, kanunay siya nga naa sa Dean’s List. Karon nga nagmadaugon siya, kasamtangan unang talikdan niya ang iyang pagtuon aron tumanon ang iyang mga gimbuhaton isip Miss USA ug Miss Universe.

Fan si Olivia ni Audrey Hepburn. Gani, may journal siya nga puno og  quotes sa  actress ug may mga nakabantay pud nga anggid siya sa classical beauty ni Hepburn. Nasayran nga human sa iyang koronasyon isip Miss USA giharanahan ni Olivia ang mitambong sa iyang press conference diin giawit niya ang usa sa iyang paborito nga Audrey Hepburn songs, nga mao ang “Funny Face,” nga gikan sa 1957 film... Gikan sa www.missuniverse.com

World Cup of Beauty Pageant Culpo Ang Rayna

MISS UNIVERSE 2012:

USA, Olivia Culpo

1ST RUNNER UP:
Philippines, Janine Tugonon

2ND RUNNER UP:
Venezuela, Irene Esser

3RD RUNNER UP:
Australia, Renae Ayris

4TH RUNNER UP:
Brazil, Gabriela Markus

TOP 10

France, Marie Payet
Hungary, Agnes Konkoly
Mexico, Karina González
Russia, Elizabeth Golovanova
South Africa, Melinda Bam

TOP 16

Croatia, Elizabeta Burg
Kosovo, Diana Avdiu
India, Shilpa Singh
Peru, Nicole Faverón
Poland, Marcelina Zawadzka
Turkey, Ça??l Özge Özkul

SPECIAL AWARDS

Miss Congeniality:
Guatemala, Laura Godoy

Miss Photogenic:
Kosovo, Diana Avdiu

Best in National Costume:

1st – China

JUDGES

Nigel Barker
Diego Boneta
Scott Disick
Brad Goreski
Masaharu Morimoto
Ximena Navarrete
Pablo Sandoval
Lisa Vanderpump
Kerri Walsh Jennings
Claudia Jordan

Gikan sa www.starmometer.com