Pelikula ni Robredo madayon

CEBU, Philippines - Ang  actor-director nga si Epi Quizon maoy modumala sa pelikula nga maghisgot sa kinabuhi ni kanhi  Department of the Interior and Local Government (DILG)  secretary Jesse Robredo.  Matud pa niya nga ubos kini sa sugyot sa usa ka negosyante nga higala ni Robredo.Sila si  Albert Martinez, Joel Torre, Ricky Davao ug Christopher de Leon maoy pipila sa gipangpilian aron maoy modala sa karakter ni Robredo.

Grade B

Nakaangkon og Grade B  sa Cinema Evaluation Board ang pelikulang Si Agimat, Si Enteng at Si Ako nga gibidahan nila ni Sen. Bong Revilla Jr. ug Vic Sotto.

Wala’y  mausab

Reaksyon pa ni Cesar Montano sa mga tsika nga matapos na ang kalibutan karong adlawa: “ I won’t change anything. I will live each day like it’s my last day. Always for God’s glory!

Simpleng kinabuhi

Bisan pa man sa kalampusan sa iyang showbiz career, gibutyag ni  Julia Montes nga dunay mga higayon nga mingawon siya sa iyang simple nga kinabuhi kaniadto.”Siguro ‘yung minsan kasi kapag artista tini-treat ka ng iba, tini-treat ka ng espesyal. Minsan nami-miss ko ‘yung normal ka lang. ‘Yung hindi ka tinitignan as artista. Minsan kasi awkward ‘yung feeling na papaupuin ka dahil artista ka yung ganoon,” suma pa ni Julia sa dihang giinteriew kini sa ABS-CBN News.

Kontento na

Tsika pa ni Kris Aquino nga igo ra siya magpaabot kung dunay lalaki nga mahimo niya nga inspirasyon puhon ug wala’y angay nga dalian niini. Matud pa niya nga malipayon na siya sa iyang kinabuhi uban sa iyang mga anak. (Sanden J. Anadia)

Edgar naglikay sa gubot

Naglikay si  Edgar Allan Guzman nga modako pa  ang isyu kalabot sa giingong pag-panginsulto ni  Baron Geisler kaniya atol sa party sa TV 5 talents sa milabay nga gabii. “Ayaw ko na rin palakihin,” suma pa ni Edgar.

Baruganan ni Ellen

Tsika pa ni  Ellen Adarna nga wala sa  iyang huna-huna nga modawat og mga indecent proposals gikan sa mga “dirty old men”.  “No, no. I don’t associate myself with people like that,” tsika pa niya ngadto sa PEP.

Happy na si Melai

Giklaro ni Melisa Melai Cantiveros  nga dili siya apektado kung zero ang iyang lovelife karong Pasko. Matud pa niya nga magmalipayon na siya kung makauban niya sa maong adlaw ang iyang pamilya.

Mark andam magpa-sexy

Tsika pa ni Mark Bautista nga gitanyagan diay siya kaniadto og usa ka sexy indie film kung diin makapares unta niya si Rosana Roces apan gitambagan siya sa head sa Viva nga si  Vic del Rosario nga  dili lang una kini dawaton gumikan kay bug-at pa kaayo ang mga eksena sa maong proyekto. Hinuon andam siya modawat niini kung hatagan na siya og signal sa iyang talent agency.

“Husband material”

Gibutyag ni Nadine Samonte nga molikay na siya sa mga pa-cute nga relasyon gumikan kay “pang-husband material” na ang iyang gipangita. Nagkanayon ang aktres nga dili niya usikan ang iyang oras sa mga relasyon nga wala’y klarong padulngan.

Gianna gidid-an makauyab

Gidid-an diay si Gianna Padilla nga mo-entertain og suitors. Mao kini ang kamandoan nga iyang nadawat gikan sa iyang mga ginikanan nga sila si Sen. Bong Revilla Jr. ug Cong. Lanie Mercado. Kasamtangang malantawan si Gianna sa bag-ong youth-oriented show sa GMA 7 nga Teen Gen.

Duha ka paresan

Gipahibalo ni Regine Velasquez nga duna sila’y  Valentine concert uban sa iyang bana nga si  Ogie Alcasid. Malakip usab niini ang  ex-couple nga sila si  Martin Nievera ug  Pops Fernandez. Masaligon si Regine nga hangpon kini sa mga tawo gumikan kay puros mga banggiitan ang nahisgutan nga mga singer.

Heart nanghatag og bulawan

Giregalohan ni Heart Evangelista og pure gold nga pendant ang mga kaubanan  niya sa pelikulang Sosy Problems nga sila si Rhian Ramos, Bianca King, ug Solenn Heussaff. Ang maong tulo ka mga artista misaysay nga si Heart maoy labing sosyal sa ilang grupo.

Camille miangkon na gyud

Giangkon ni Camille Prats nga  duna na siya’  ka-date karong panahona. Kahinumduman nga nalambigit  ang pangalan sa aktres sa usa ka miyembro sa Philippine Volcanoes apan wala siya’y plano nga iyaha kining panganlan.  

Jessy mobakasyon

Nagplano si Jessy Mendiola nga mobakasyon gyud og todo sa sunod nga mga adlaw. Tsika pa sa aktres nga hatagan gyud niya og oras ang iyang kaugalingon human sa nagsagunson niya nga mga proyekto karong tuiga. Gihuna-huna pa ni Jessy ang lugar nga iyang bakasyonan.