Angelito, babanggain si Samaniego sa ngalan ng pamilya sa pagtatapos ng Bagong Yugto

MANILA, Philippines - Haharapin na ni Angelito (JM DeGuzman) ang pinakamalaki at pinakahu­ling hamon sa kanyang pamilya sa pagtatapos ng  Angelito: Ang Bagong Yugto  ngayong linggo.

Alam na ni Angelito ang masamang balak ni Larry (Eric Fructuoso) at katuwang si Spongky (Felix Roco) ay hahanap sila ng paraan para mapa­nagot ito sa mga ilegal nitong gawain. Samantala, sabay ding haharapin nina Jenny (Kaye Abad) at Raffy (John Prats) ang gulong dala ng pagkakadawit din nila sa krimeng pakana ni Larry.

Paano malulusutan ng dalawang pamilya ang problema? Huwag palalampasin ang huling linggong episodes ng  Angelito: Ang Bagong Yugto  , pagkatapos ng  It’s Showtime  sa Kapamilya Gold ng ABS-CBN.