Bianca King gagawing libro ang nangyari sa kanila ni Dennis
Hindi pa rin binabasag ni Bianca King ang kanyang katahimikan ukol sa napapabalitang paghihiwalay nila ni Dennis Trillo.
Pero naging makahulugan ang mga salitang binitiwan nito kamakailan sa isang interview. “I will talk when I’m ready... I will talk when I’m ready to write a book about my life.”
Hanggang ngayon ay palaisipan pa rin sa mga tao kung ano nga ba ang naging dahilan ng paghihiwalay nina Bianca at Dennis. Maging si Dennis ay walang sinasabi kung anong nangyari sa dating matamis nilang relasyon.
Hmmm, ano nga kayang sasabihin niya tungkol kay Dennis sa susulatin niyang libro?
Anyway, gagampanan ni Bianca sa MMFF entry na Sosy Problems ang karakter ni Danielle, anak ng dating politician na ngayon ay naghihirap na dahil ini-investigate na ill-gotten ang wealth nila kaya naka-freeze ang lahat ng kanilang mga assets. Pero this is still being kept under wraps, kaya nagpapanggap na lang siya na mayaman, trying to keep up pretenses although the truth is naghihirap na ang pamilya niya.
Mapapanood ang Sosy Problems sa December 25 sa lahat ng sinehan sa bansa.
FERNANDO JOSE NAGHAHANAP NG BABAENG PAKAKASALAN
Twelve years after nang first visit ng Mexican actor na si Fernando Carillo, balik-‘Pinas siya. And this time medyo magtatagal at nakikipag-usap siya kay Boss Vic del Rosario para sa posibleng projects sa bansa. “I am back, and I am back reloaded,” bungad ng 42-years old actor nang makipag-tsikahan sa ilang entertainment press kahapon.
In fairness, parang wala namang kupas ang appeal ng actor na pinagkaguluhan talaga nang pumunta rito 12 years ago dahil mainit na mainit noon ang Rosalinda, ang pinagsamahan nilang teleserye ni Thalia.
Limang araw siyang tatagal ng bansa. Bukod sa pakikipag-usap kay Boss Vic, dumating din siya ng Maynila para sa Christmas event ng call center na pag-aari ng Sunset World kung saan siya ang Vice President for Global Expansion. “This is our biggest call center in the world, with more than 300 employees,” sabi niya.
Ang nasabing kumpanya, Sunset World, ay may pag-aaring pang anim na hotel sa Mexico.
Kaya nga nag-iimbita siya sa Cancun, Mexico kung saan naka-base ang kanilang kumpanya. Puwede raw silang manlibre ng one week accommodation. Soshal. Pero siyempre sagot mo na ang air fare.
At dahil andito na rin naman siya, magiging abala siya sa TV guestings – sa Friday nasa Bandila si Fernando at kakanta sa ASAP sa Linggo. Kahapon ay nagkipag-tsikahan din siya kay Megastar Sharon Cuneta para sa talk show nitong Sharon : Kasama Mo Kapatid.
Gusto rin niyang makatrabaho ang mga local stars. May ilan na siyang nakilala at nakita niyang may mga potential ang mga ito.
At kung gaano katagal siyang hindi nakabalik sa bansa ganun din siya katagal namahinga sa paggawa ng telenovela. Pero ngayon ay kasalukuyan na siyang nagti-taping uli para sa The Magic of Love. Isa itong drama, comedy, action at pina-plano nga niyang kumuha ng local artist para isama sa The Magic of Love kung saan leading lady niya ang ex wife niya.
At nang mamahinga naman pala siya sa paggawa ng telenovela, nagnegosyo siya at ngayon nga anim na hotel na ang kanilang pag-aari at wala tayong kamalay-malay na meron pala siyang kumpanya sa bansa.
Hindi malimutan ng Rosalinda leading man na nasa bansa siya nang tawagan siya ng ama at sabihing may cancer ang kanyang ina twelve years ago. “I feel my career stopped in Manila while I was playing tennis and received the news of my mother having cancer. Both my parents passed away since I was last here but now I am back,” pag-alala niya.
Walang girlfriend si Fernando sa kasalukuyan at excited siya in case na makita niya rito ang babaeng puwedeng makasama sa buhay.
Justin bieber absuwelto agad, pinatawad ni Pacquiao!
Pinatawad na agad ni Manny Pacquiao ang pambabastos sa kanya ng Canadian singer na si Justin Bieber.
Say ni Manny : “Sabi nga sa kautusan ng Panginoon, pray for those who persecute you. So we will pray for them. Patawarin natin sila.”
Maalalang pinag-initan ng fans ni Pacquiao ang Canadian singer nang paglaruan nito sa kanyang Instagram account ang mga litrato nang pagkatalo ni Pacman kay Juan Manual Marquez.
Sumiklab ang galit ng marami dahil sa harapang pambabastos ng international singer. Kaso mo walang pakialam si Pacman sa ginawa ng batang singer. So tapos na ang issue.
- Latest
