KC nagpahayahay sa Brazil

CEBU, Philippines -  Nilantaw si  KC Concepcion sa bag-ohay lang nga konsyerto ni Madonna didto sa Estadio Morumbi, Sao Paolo, Brazil ug gihulagway  niya ang singer nga tinud-anay nga Queen of Pop .

Kompetisyon gisalikway

Suma pa ni Alice Dixson  nga magtinabangay sila ni Nora Aunor aron mo-click ang umaabot nga serye nila sa TV 5 nga Never Say Goodbye ug wala nila huna-hunaa ang kompetisyon .

Teen Gen

Karong Disyembre 16 na magsugod ang umaabot nga youth-oriented show sa GMA 7 nga Teen Gen kung diin mao kini ang  ihulip sa timeslot sa Manny Many Prizes . Sila si Gianna Revilla ug Gab de Leon maoy pipila lang sa mga bida niini.

Christian mihimakak sa taho

Hugot nga gihimakak ni Christian Bautista ang taho nga matud pa nagpuyo na sila sa iyang uyab nga Singaporean actress nga si  Carla Dunareanu .

Dennis nagdumot?

Dili follower si Dennis Trillo sa Twiittter account sa iyang kanhi girlfriend nga si Bianca King busa dili siya makabasa sa mga sentimento sa kanhi niya uyab human  sa ilang break-up.

Pasidungog

Pipila sa mga programa sa telebisyon sa Pilipinas ang nakadawat og pasidungog sa bag-ohay lang nga Asian Television Awards 2012 ug kini naglangkob sa Chef Vs Mom sa TV 5 (Best Lifestyle Program), Korina Sanchez sa Rated K- ABS-CBN (commendation  alang sa Best Current Affair Presenter category), ug  The Princess' Man sa GMA-7 (Best Drama Series).

Paboritong kanta

Usa na karon sa paborito nga kanta ni  Baby James Yap ang Pusong Bato nga naglanog-lanog kasagaran karon sa mga istasyonan sa radyo.

Lian nainsulto sa isyu

 Nasakitan ug nainsulto pag-ayo si  Lian Paz sa mga nigawas nga taho nga matud pa nga duna na siya'y bag-ong uyab  human sa break-up nila ni  Paolo Contis ug iyang giklaro nga dili kini tinuod busa gihagit niya ang iyang mga kritiko nga mopagawas og ebidensya kung tinuod man ang maong taho.

Ulahi na

Giangkon ni Nadine Samonte nga gusto diay sa iyang ex-boyfriend nga si  Emerson Chua nga magminyo na silang duha apan ulahi na ang tanan gumikan kay ni-propose kini human sa ilang break-up.