Baby James nababaliw sa Pusong Bato, KC dinayo si Madonna sa Brazil

SEEN: Hindi nababasa ni Dennis Trillo ang mga tweet ni Bianca King dahil hindi niya sinusubaybayan ang Twitter account ng kanyang girlfriend.

Iniiwasan ni Dennis na magsalita tungkol sa breakup nila ni Bianca.

SCENE: Ngayong gabi ang concert ni Elton John sa Smart Araneta Coliseum.

Nanggaling si Elton mula sa kanyang successful concert sa Guangzhou, China noong Dec. 6 at sa Dec. 13 ang show niya sa Bangkok, Thailand.

SEEN: Sinagot ni Sen. Koko Pimentel ang isyu na kumukuwestiyon sa kanyang kasarian. Lalaking-lalaki pa rin ang senador sa huling pagsusuri niya sa sarili.

SCENE: Ang Chef vs Mom ng TV5 ang best lifestyle program ng 17th Asian TV Awards na ginanap sa Shangri-La Singapore noong Huwebes, Dec. 6.

SEEN: Favorite song ni Baby James Yap ang Pusong Bato na kinanta kahapon ni Charice sa guesting nito sa Kris TV.

SCENE: Madalas na SPG ang mga eksena nina Dingdong Dantes at Lorna Tolentino sa Pahiram ng Sandali. Strong Parental Guidance o Striktong Patnubay at Gabay ang classification sa mga TV show na may mature theme.

SEEN: Si Mac Alejandre ang direktor ng Never Say Goodbye, ang teleserye nina Cesar Montano, Nora Aunor, at Alice Dixson sa TV5. Kasama sa cast ng Never Say Goodbye ang mga scholar at winner ng Artista Academy.

SCENE: Happy Maging Kapatid ang title ng Christmas Station ID ng TV5. Tampok sa Christmas Station ID ang mga artista na may mga show sa Kapatid Network, contract star man o hindi.

SEEN: Pinanood ni KC Concepcion ang concert ni Madonna sa Estadio Morumbi, Sao Paolo, Brazil.

Si Madonna ang tunay na Queen of Pop para kay KC.