Paolo no reaction sa ‘bagong lalaki’ ni Lian!

PIK: Ang magkapatid na Randy at Raymart Santiago ang special guests ni Regine Velasquez sa Sarap Diva bukas.

Kilalang masarap ang mga pagkain na inihahain sa Red Garlic restaurant na pag-aari ni Raymart kaya nagbigay ito ng sample na alam niya.

Si Randy ay meron ding specialty na ipinatikim pero mas kuwela ang nai-share ng magkapatid na kuwento magmula nung bata sila hanggang sa nagkapamilya na.

Nagpa-sample pa ng sayaw ang magkapatid na hindi naman dating ginagawa ni Raymart.

PAK: Sandaling nakatsikahan namin si Carl Guevarra sa Christmas party ng PPL Entertainment, kinumusta namin kung tuloy pa rin ba ang panunuyo niya kay Kris Bernal.

“Paminsan-minsan,” napapangiti niyang sagot.

Kinulit namin kung ano ang ibig niyang sabihin sa paminsan-minsan na ‘yun.

Naririnig na rin kasi naming sila na raw dahil nababasa namin sa mga pahayag ni Kris na in love nga siya ngayon.

Napangiti lang ang hunk actor at ayaw na niyang magsalita pa dahil mukhang matagal na ngang sila na ni Kris.

BOOM: Ayaw rin magkomento ni Paolo Contis sa isyung annulment dahil wala naman daw ganun.

Nakakarating na rin kay Paolo ang mga kuwento tungkol kay Lian na nakikitang may kasamang ibang lalaki, at ang latest nga matanda na ang madalas nitong kasama. “NR” lang siya, as in No Reaction!

Mas mabuting tahimik na lang siya para hindi na mapag-usapan ang isyu nila ni Lian.