Miracles

CEBU, Philippines - Adtong Biyernes sa buntag samtang nag-anchor kauban si Atty. Rhina Seco Padilla sa dyRC Special Coverage sa Thanksgiving Day Celebration para ni San Pedro Calungsod among gipangumusta ang mga tigpaminaw unsay ilang personal nga kasinatian sa “Bisayang Santo” sukad gisugdan sa estasyon ang pag-ampo ngadto niini, 100 days sa wala pa ang iyang canonization didto sa Roma. Daghan ang mipaambit  kabahin sa ilang mga sakit nga naayo, mga panginahanglanon nga natubag pinaagi sa pangama ni San Pedro Calungsod. Gimilagrohan sila! Praise God!

Nianang pagka hapon samtang nagtan-aw ko sa thanksgiving mass pinaagi sa coverage sa nagkadaiyang estasyon sa telebisyon, kalit nga mi-chat akong bugtong igsuon nga si Hannah nga tua na sa Paris, France nagbase human naminyo niining tuiga lang. Ang iyang mensahe, miumol og mga luha sa akong mga mata. Siya mibalita: “hala oi nakahilak ko ha ky diba operahan ta to akong bugon dako na jud to kuya din natingala ko nahiyos rag kalit.nag ampo rako sige sa nino nga imong hinatag.huhuhu as in di ko katuo natingala ang doctor weird daw.disgusting na baya ky to tanawn nya na wla jud....”

Last week man gud, gipahibawo ko niya nga mupailawom siya og minor operation para matangtang ang maong bugon---luas manto nga wala gyud mawala o matangtang sulod na sa tulo ka tuig tingali---kay maoy gisugyot sa doctor. Ingon siya minor ra daw nga procedure, dili angayang kabalak-an pero papahuwayon usa siya ug sa Enero na pabalikon og trabaho. Pero nakuyawan gihapon ko uy. Sulod sa usa ka semana gisangon nako ngadto kang Señor Sto. Niño ug San Pedro Calungsod ang maong problema ni Hannah. Adlaw ug gabii, sulod sa usa ka semana. Grabe kaayo ang timing, samtang nagpasalamat kita diri sa Sugbo, ang bugon sa akong manghod napapas, nahanaw sa dayon didto sa iyang nahimutangan sa France. God is good!

Pagka ugma, Sabado sa buntag, samtang nagpadung ko sa dyRC alang sa okRYAn may nahitabo nga nakapa-stress nako’g gamay. Mao ni akong FB post: Kana bitaw'ng nagdali-dali ka'g ilis og short pants kay mas feel nimo ang bag-ong pinalantsa kay sa imo na nga gisul-ob, then diretso ka'g gawas sa balay, sakay og jeep only to realize nga ang imo diay'ng kwarta nahabilin sa gihubo nimo nga shorts. You think of words to tell the conductor nga wala kay iplete, then you search through your bag and find P10 in one of those pockets. That's MIRACLE!

Ingon ang entertainment editor sa The Freeman Newspaper ate Debbie Duraliza, na-anghel gyud ko. Mulang! Kay kana nga bulsa sa akong belt bag, dili baya gyud na nako butangan og kwarta, para na sa akong mga yawi. Busa og dili to milagro, unsa mang pagkahitaboa nga nasaag man gyud tong P10 didto nga maoy nagsalbar nako gikan sa kauwawan? Naghunahuna ko nga ihatag sa konduktor akong press i.d. o ba kaha calling card para garantiya nga mubayad gyud ko niya. Pero hunahuna nako, what if kasab-an ko nganong nagpatuga-tuga ko’g sakay nga wala man diay koy iplete? Or what if mukomentaryo ang mga pasayro nga perte nakong tanga-a. Hay, kauwaw! But God saved me from that shameful moment in the waiting. Pakpak!

Kamo dear okRYANians unsa may inyong dagko ug gagmay’ng mga milagro nga nasinati karon ug sa milabay nga semana? Suginli ko….

* * *

Agree jud q dha! Age doesn’t matter, basta ang importante  nagkahigugmaay mo sa usag-usa..bea villamor of oslob…0932576****

Pra nako true jud na kay nagdepende ra man nato gud kun kinsa jud atong love, bahala nanang tsismis diha sa mga tawo,importante love ninyo each other..marlon dee, briza subdivision, consolacion…0923981****

Ambot lang uy galibog jud bitaw ko. Aq ky 49 na ako uyab kay 22 pa. La koy kwarta kay yaya ra man ko, pero dli jud cia mubulag nako kay love jd kunu q nia…7 months na mi…Ley , CC..0926569****

Age doesn’t matter man jd kasi if u really love that person, prove it!...Geraldine from Cogon Pardo…0933340****

For me sa atoang henerasyon karon dili na ta magbase anang tag-as og gap between sa manag-uyab o managtiayon. Kay naa bitaw unta pareha og edad pero dili pud mo magkasinabot….Arline N. Betanga of Carcar City….0942475****

Dili paminawon ang mga istorya sa mga tawo, ang paminawon ang mga pinitik sa  kasingkasing ug ubanan sa pag-ampo  nga magmalinawon ang paghigugmaay sa usag-usa…Lita Lauron, Liloan…0916476****

I agree that age doesn’t matter if both  parties share their feelings if ever there are trials, ila kana mahatagan og solusyon through prayer para magpabilin na lig-on ang ilang relasyon..ros emitch of bogo…0905591****

Dili importante ang age ug kwarta, mag-unsa  manang kwarta kung walay kalipay sa inyong kaminyuon, ang importante magkasinabot mo…Jele Quiawan of Basak Pardo..0933113****

Tinuod jud na ang age does not matter at all kay kun gugma na ang hisgutan maskin pla pay gintang mupatigbabaw jud ang panaghigugmaay…Jhinkie dela paz of moalboal cebu…0947166****

Tuo jud ko ana dili jud magmatter ang age kung gugma na hisgutan ang importante kanang pagsalig jd din honest and fyt for the ryt…flax of west Philippine sea.0932710****

Age does not matter jud kay way batan-on ug tiguwang sa tawo nga tinud-anay nga  nagkahigugmaay..Evet Ski of Tuburan…0933338****

Reaksyon? I-text dungan sa imong ngalan ug address sa 0943-431-4567 sa dili pa ang tingpaniudto karong adlawa (12 noon, December 6, 2012). Ayaw lang kaayo og taasa aron mapatik gyud…usa ka sentence payts nana! Go go go…

Magdungog gihapon kita sa okRYAN sa dyRC Radyo Calungsod matag 10a.m. hangtud 12 noon, Lunes hangtud sa Sabado. Mahimo pud nga makauban pinaagi sa www.dyrc-cebu.com