Pamilya ni Janine wala’y hunong ang pag-ampo

CEBU, Philippines - Wala’y hunong ang pangaliya sa  pamilya ni Binibining Pilipinas-Universe Janine Tugonon alang sa kalampusan sa beauty queen sa 2012 Miss universe pageant.

Suma pa sa inahan ni  Janine nga si Tess Tugonon  nga makahilak gyud siya permi gumikan sa gibati niya nga pressure. Nabalaka siya sa mga posibleng kumento sa mga tawo ngadto sa iyang anak.

Dugang pa niya nga masakitan gyud siya kung makadungog og negatibong kumento batok ni Janine busa magsige na lang siya og hilak. Gipasabot niya nga normal lang kini gumikan kay usa siya ka inahan ug dili siya gusto nga daug-daugon ang iyang anak.

Gitambagan niya si  Janine nga kanunay gyud nga mag-ampo ug i-enjoy lang ang iyang kaugalingon sa pagsalmot sa maong sikat nga indigay.

Ang 2012 Miss Universe pageant mahitabo na karong  Disyembre  20 sa Planet Hollywood Resort and Casino sa Las Vegas, Nevada.