Lian Paz lolo ang ipinalit kay paolo?!

SEEN: Ang direktor na si Lauren Dyogi ang bagong head ng Entertainment TV ang announcement sa ABS-CBN Christmas Party for The Entertainment Press noong Martes.

SCENE: Ang report ng Bandila na pito ang mga pelikula na opisyal na kasali sa Metro Manila Film Festival 2012.

Hindi binanggit sa report ang Sosy Problems ng GMA 7.

SEEN: Ang clarification ni Boy Abunda sa Bandila na walo ang official entries sa Metro Manila Film Festival 2012. Humingi ng paumanhin si Boy dahil hindi nabanggit sa report ang Sosy Problems ng GMA 7.

SCENE: Pinagkaguluhan si Congressman Manny Pacquiao ng fans nang dumating siya kahapon sa lobby ng MGM Grand, ang venue ng boxing fight nila ni Juan Manuel Marquez sa  December 8.

SEEN: Matandang lalake na halos lolo na ni Lian Paz ang madalas na nakikita na kasama ng estranged wife ni Paolo Contis.

SCENE: Isinabay sa screening ng digitally  restored version ng Himala  noong Martes sa Shangri-La Mall Cineplex  ang launch ng  Sa Puso ng Himala, ang coffee table book ng classic film ni Nora Aunor.

SEEN:  Palabas sa mga sinehan ng SM Malls ang digitally restored version ng Himala.

SCENE:  Tama ang desisyon ni Jodi Sta. Maria na huwag magkomento tungkol kay Iwa Moto dahil hindi sila magka-level.

Forever starlet si Iwa dahil sa attitude nito na hindi dapat tularan.Pagkatapos aminin na kasal sila ni Mickey Ablan, pinagtatawanan si Iwa dahil sa kanyang pahayag na may karapatan si Jodi na lumigaya.

Si Iwa ang girlfriend sa kasalukuyan ni Pampi Lacson, ang ex-husband ni Jodi.