Pacman, public service ang bagong show sa GMA 7

SEEN: Mga fashion victim ang La Diva sa gowns na suot nila sa kanilang production number kahapon sa Party Pilipinas.

SCENE: Wala nang credibility si Iwa Moto dahil sa pag-amin nito na totoo na kasal siya kay Mickey Ablan, ang isyu na mariin at paulit-ulit na pinabulaanan niya noon. Kaliga ni Iwa si Aubrey Miles na nagsinungaling noon tungkol sa pagkakaroon niya ng anak sa pagkadalaga.

SEEN: Public service na ang concept ng talk show ni Manny Pacquiao sa GMA 7. Ang talk show ang ipapalit sa Manny Many Prizes, ang game show ni Pacquiao na nagwakas kahapon.

SCENE: Natutuwa si Solenn Heussaff dahil napansin ng mga tao ang acting niya sa D’ Kilabots, Pogi Brothers… Weh?!

Hindi inaasahan ni Solenn na magugustuhan ng manonood ang acting niya sa pelikula nina Jose Manalo at Wally Bayola.

SEEN: Nag-check in si Chariz Solomon sa Manila Peninsula sa huling araw ng kanyang pagiging dalaga. Ikinasal kahapon si Chariz sa kanyang fiancé na si Nestor Ng, Jr. sa Shrine of Jesus, The Way The Truth And The Life, ang simbahan sa tabi ng Mall of Asia sa Pasay City.

SCENE: Sintunadung-sintunado ang mga boses nina Angelu de Leon at Bobby Andrews nang kantahin nila kahapon sa Party Pilipinas ang It Might Be You.

Nakasira sa promo ng TGIS ang pagkanta ng dating magka-love team.

SEEN: May away ang entertainment reporter na si Jobert Sucaldito at ang asawa ni Lani Misalucha na si Noli. Nawindang si Jobert sa sinabi ni Noli na “Is that the way they deal in the Philippines?” dahil sa kanilang business deal na hindi natuloy.

Nanibago si Jobert kay Noli dahil Pilipinong-Pilipino ito at nakaranas lang na manirahan sa Amerika nang mag-migrate sila ni Lani sa Las Vegas, Nevada noong 2004.

SCENE: Si Marc Abaya ang dumalo sa unveiling ng bituin ng kanyang nanay na si Marilou Diaz-Abaya sa Walk of Fame sa Eastwood Libis sa Quezon City noong Sabado, Dec. 1.