Kaayohan sa pinya

CEBU, Philippines -  Usa sa mga sikat nga prutas sa tibuok kalibutan mao ang pinya gumikan sa kalami niini. Napuno usab kini sa nutrisyon busa kaon na og pinya aron mapahimuslan na nimo ang mga benepisyo niini.

Nganong kinahanglan ta mokaon og pinya?

Napuno kini sa bitamina ug minerals.

Aduna kini  vitamin A, vitamin C, calcium, phosphorus, fiber  ug  potassium.

Malikay sa ubo ug sip-on.

Gumikan kay abunda man kini sa vitamin C, mobatok kini sa mga kagaw nga maoy hinungdan sa ubo ug sip-on.  Ang pagkaon og pinya samtang nituman sa mando sa doctor, moresulta sa dali nga pagkaayo sa imong ubo ug sip-on.

Mopalig-on sa bukog.

Aduna kini abilidad sa pagmintinar alang sa lig-on nga kabukogan sa lawas gumikan kay gawas sa calcium,  duna usab kini manganese aron mosamot ang kalig-on niini.

Motabang sa pagaling sa kinaon.

Ang bromelain nga naa sa pinya  motabang sa paggama og  fluids aron dili molabaw ang pagka-acidic. Nasayran nga ang bromelain adunay “protein-digesting properties” busa hapsay ang paggaling sa imong kinaon. (tinubdan: www.3fatchicks.com)