Pagpapaikot ni Larry kina Angelito at Raffy, lalong tumitindi

MANILA, Philippines - Hawak na ni Larry Samaniego (Eric Fructuoso) sa leeg ang pamilya nina Angelito (JM De Guzman) at Raffy (John Prats) sa mas tumitinding kuwento ng Angelito: Ang Bagong Yugto. Tuluyan nang nahulog sa kanyang bitag ang dalawa at maging si Rosalie (Charee Pineda) ay kumakagat na rin sa paing ginawa niya matapos itong pumayag sa alok niyang trabaho. Hindi pa riyan nagtatapos ang kasamaan ni Larry dahil gagamitin niya ang matagal nang hidwaan ng dalawa at kukunin niya si Raffy bilang bagong business partner para mas lalong pagbanggain ang mundo nila ni Angelito. Ano ang kahihinatnan ng dalawang pamilya sa kamay ni Larry? Hanggang kailan niya mabibilog ang utak nina Angelito at Raffy? Ano pa ang kaya niyang gawin mapasakanya lang si Rosalie? Huwag palalampasin ang lalo pang umiinit na kuwento ng Angelito: Ang Bagong Yugto, Lunes hanggang Biyernes, pagkatapos ng It’s Showtime sa Kapamilya Gold ng ABS-CBN.