YouTube sensation Zendee Rose hindi binigyan ng importansiya ang Magpakailanman, nasa ibang show habang pinalalabas ang buhay niya

SEEN: Sabik sa TV guesting si Zendee Rose Tenerife. Ang life story ni Zendee ang featured story sa pilot telecast ng Magpakailanman noong Sabado pero contestant siya sa live telecast ng Wil Time Big Time ng TV5.

Hindi binigyan ni Zendee ng pagpapahalaga ang importansya na ibinigay sa kanya ng Magpakailanman na katapat na katapat ng Wil Time Big Time ang timeslot.

SCENE: Si Grace Lee ang bagong co-host ni Willie Revillame sa Wil Time Big Time at ipinakilala siya noong Sabado.

Kailangan ni Grace ng mahusay na stylist dahil unflattering ang suot niya sa kanyang unang appearance sa game show ng TV5.

SEEN: Kalahating milyong piso ang napanalunan ni Betong sa pilot episode ng Celebrity Bluff ng GMA 7 noong Sabado dahil nasagot niya ang jackpot question.

SCENE: Sa Dec. 2 ang farewell telecast ng Manny Many Prizes, ang game show ni Congressman Manny Pacquiao.

Wala si Pacquiao sa farewell show ng Manny Many Prizes dahil busy siya sa boxing training para sa Dec. 8 fight nila ni Juan Manuel Marquez.

SEEN: Nasa Ninoy Aquino International Airport 2 si Paolo Bediones noong Sabado. Nagpunta si Paolo sa Melbourne, Australia dahil dadalo siya sa World Public Relations Forum na magaganap sa Nov. 18 hanggang Nov. 20 sa Melbourne Convention and Exhibition Centre.

SCENE: Hindi dapat pinatulan ni Racquel Pempengco ang mga intriga at pagkukumpara sa kanyang anak na si Charice at kay Zendee Rose Tenerife.

Nagagamit siya ni Zendee Rose sa publicity.

SEEN: May bad effect ang pag-amin ni Baron Geisler na bipolar siya dahil ito na ang ginagamit na dahilan ng mga tao na madalas na nawawala sa sarili.